امریکی اوربھارتی وزرائے خارجہ کی ملاقات: ہردیپ سنگھ کامعاملہ زیربحث

امریکا نے ایک بار پھر بھارت پر سکھ رہنما ہردیپ سنگھ کے قتل کی تحقیقات میں کینیڈا سے تعاون پر زور دیا ہے۔
امریکی وزیر خارجہ انٹونی بلنکن اوربھارتی وزیر خارجہ جے شنکر کی واشنگٹن ڈی سی میں ہونے والی ملاقات کے دوران امریکی وزیرخارجہ نے کینیڈا کے تحفظات سے بھارتی ہم منصب کوآگاہ کیا اور مشورہ دیا کہ ہردیپ سنگھ کے قتل کی تحقیقات میں کینیڈا سے تعاون کیاجائے ۔
ہردیپ سنگھ کے قتل کا الزام کینیڈین وزیراعظم نے براہ راست بھارتی حکومت پرعائد کیاتھا، کینیڈا کا دعویٰ ہے کہ ان کے پاس اس بات کے ناقابل تردید ثبوت موجود ہیں کہ ہردیپ سنگھ کے قتل میں بھارتی ایجنٹ ملوث ہیں۔