بنگلادیش میں سلیبرٹی کرکٹ لیگ میچ کے دوران کھلاڑی آپس میں لڑپڑے اورایک دوسرے پرلاتوں مکوں کی بارش کردی جس کے نتیجے میں 6 افراد زخمی ہوگئے جنہیں ہسپتال لے جاناپڑا۔
بنگلہ دیشی شوبزستاروں کے درمیان لڑائی کاواقعہ میرپور کے شاہد سہروردی انڈور اسٹیڈیم میں پیش آیا جس کی ویڈیوز بھی سوشل میڈیا پر وائرل ہوگئی ہیں۔
Hilarious scenes in Celebrity Cricket League. 😂
A celebrity crying because an umpire didn’t give a boundary which was clearly a four.
Two teams fought badly, 6 people injured in hospital and the tournament is now cancelled!!! pic.twitter.com/brEYCKzIw3
— Saif Ahmed 🇧🇩 (@saifahmed75) September 30, 2023
بنگلہ دیشی میڈیاکے مطابق پروڈیوسر مصطفی کمال راج اور دیپانکر دیپن کی ٹیموں کے میچ میں تلخ جملوں کے تبادلے نے کشیدگی کی شکل اختیارکرلی تھی ، میچ ختم ہونے کے بعددونوں ٹیموں کے کھلاڑی آمنے سامنے آگئے اورایک دوسرے کے ساتھ ہاتھا پائی شروع کردی۔
اداکارہ راج رپا نے میچ میں ہونے والے تشدد کی تحقیقات اور ٹرائل کا مطالبہ کیا ہے ۔
دیپانکر دیپن کی ٹیم کے کھلاڑی نائک جوئے چودھری نے منتظمین پر میچ فکسنگ کا الزام بھی لگایا اور واقعہ کی تحقیقات کامطالبہ کیا۔
