لاہور (این این آئی) نامور کامیڈین اداکار سخاوت ناز نے الحمرا میں اسٹیج ڈرامے شروع کرنے کی اجازت دینے کا مطالبہ کرتے ہوئے کہا ہے کہ چند لوگوں کی وجہ سے سینکڑوں لوگوں کے روزگار کو متاثر نہ کیا جائے۔
انہوں نے کہا کہ اسٹیج ڈرامے میں صرف فنکار کام نہیں کرتے بلکہ اسے پیش کرنے کے لئے درجنوں لوگوں کا کردار ہوتا ہے جن سے ان کے خاندانوں کا روزگار جڑا ہوتا ہے۔
انہوں نے کہا کہ حکومت ایس او پیز بنا کر الحمرا میں اسٹیج ڈرامے کا آغاز کرنے کی اجازت دے تاکہ لوگوں کا روزگار بحال ہو سکے۔
