سچے لوگوں کے ساتھ کھڑا ہوا ہوں، بشیر میمن کی ن لیگ میں شمولیت پر وضاحت

اسلام آباد(این این آئی) پاکستان مسلم لیگ (ن ) میں شامل ہونے والے سابق ڈی جی ایف آئی اے بشیر میمن نے کہا ہے کہ انہوں نے پیپلزپارٹی کے خلاف کوئی ایک جھوٹا مقدمہ نہیں بنایا۔
ایک بیان میں بشیر میمن نے کہا کہ اس وقت ملکی معیشت کو بہتر کرنے کی ضرورت ہے، نواز شریف کا بیانیہ ہے کہ انہوں نے اپنے ذاتی معاملات اللہ پر چھوڑ دیے ہیں، میرے قائد نے کہا ہے کہ انتقام نہیں ملک کی معیشت کو بہترکرنا ہے۔
بشیر میمن نے کہا کہ ن لیگ کے دو ڈھائی کروڑ ووٹرز ہیں کیا سب کو نوازا گیا ہے؟کیا مجھے نوکری ن لیگ نے دی؟انہوں نے کہاکہ میں بطور کارکن ن لیگ میں شامل ہوا ہوں، میں سچے لوگوں کے ساتھ کھڑا ہوا ہوں، نواز شریف ملک کے لیے ضروری ہیں۔