حکومت نے ایرانی تیل کے سمگلروں کے خلاف سخت کریک ڈاؤن کے احکامات جاری کر دیئے۔
نگران وزیراعلیٰ پنجاب کی ہدایت پر ایڈیشنل چیف سیکرٹری ساؤتھ پنجاب کیپٹن (ر) ثاقب ظفر نے ڈیرہ غازی خان کا دورہ کیا، کیپٹن(ر) ثاقب ظفر کی زیرصدارت کمشنر آفس ڈی جی خان میں اجلاس ہوا، جس میں جنوبی پنجاب کے تمام ایڈمنسٹریٹو سیکرٹریز اور ڈی جی خان کے کمشنر اور ڈی سی نے شرکت کی۔
ایڈیشنل چیف سیکرٹری ساؤتھ پنجاب نے کہا کہ ایرانی تیل کی سمگلنگ کی وجہ ملکی خزانہ اربوں روپے کے ریونیو سے محروم ہورہا ہے، ملک سے گندم اور کھانے پینے کی اشیاء کی سمگلنگ مہنگائی کا باعث بن رہی ہے۔
کیپٹن(ر) ثاقب ظفر نے مزید کہا کہ سمگلرز اور آئل مافیا کے خلاف بھرپور کریک ڈاؤن کیا جائے،بجلی چوری میں ملوث عناصر کیخلاف بھی سخت کارروائی کی جائے، ایڈیشنل چیف سیکرٹری ساؤتھ پنجاب کے احکامات کے بعد بلوچستان کے روٹ پر واقع جنوبی پنجاب کی داخلی چیک پوسٹوں کی مانیٹرنگ سخت کر دی گئی۔
