بیجنگ (این این آئی)چینی وزارت خارجہ کی ترجمان ہوا چھن ینگ نے اعلان کیا ہے کہ صدر شی جن پھنگ 22 اور 23 ستمبر کو ہانگ چو میں19 ویں ایشین گیمز کی افتتاحی تقریب میں شرکت کریں گے اور تقریب میں شریک غیر ملکی رہنماؤں کیلئے استقبالیہ ضیافت اور دوطرفہ سرگرمیوں کا اہتمام کریں گے۔
افتتاحی تقریب میں شرکت کیلئے چین آنے والے غیر ملکی رہنماؤں میں کمبوڈیا ، شام ، کویت، نیپال ، تیمور لیسٹے ، کوریا، ملائیشیا ،برونائی دارالسلام ،قطر، اردن ، تھائی لینڈ اور کرغزستان سمیت دیگر ممالک کے رہنما اور اعلیٰ اہلکار شامل ہیں۔
چینی میڈ یا نے بتا یاکہ پا کستان کا ایک بڑا وفد بھی ایشین گیمز کی افتتا حی تقر یب میں شر کت کرے گا۔
