تل ابیب (این این آئی)اسرائیلی وزیر خارجہ ایلی کوہن نے کہا ہے کہ اسرائیل اور سعودی عرب کے درمیان معمول کے تعلقات استوار کرنے کے لیے امریکا کی ثالثی میں ایک فریم ورک معاہدہ اگلے سال کے اوائل تک ممکن ہے۔
میڈیارپورٹس کے مطابق وزیر خارجہ ایلی کوہن نے اسرائیلی آرمی ریڈیو سے بات کرتے ہوئے کہا کہ اس خلا کو پر کیا جا سکتا ہے۔اس میں وقت لگے گا لیکن اس میں پیش رفت ہوئی ہے۔
انھوں نے کہا کہ میرے خیال میں اس بات کا امکان ہے کہ 2024 کی پہلی سہ ماہی میں چار یا پانچ ماہ بعد ہم ایک ایسے مقام پر پہنچ سکیں گے جہاں معاہدے کی تفصیل کو حتمی شکل دے دی جائے گی۔
