لندن(این این آئی)بیرون ملک یوٹیوبر عادل راجا کی را ایجنٹ سے جڑے روہت شرما کی مبینہ خفیہ گفتگو کی ایک اور آڈیو سوشل میڈیا پر وائرل ہوگئی۔
تفصیلات کے مطابق سوشل میڈیا پر وائرل ہونے والی پہلی مبینہ آڈیو میں روہت شرما یوٹیوبر سے پاکستان کی سیکیورٹی کے معاملات پر خفیہ معلومات لے رہا ہے۔
دوسری کال میں روہت شرما اور یوٹیوبر نیشنل سیکیورٹی کمیٹی کے بارے میں بات چیت کر رہے ہیں۔
آڈیو میں را ایجنٹ روہت شرما نے سوال کیاکہ شائد فیڈرل کیبنٹ نے ایمرجنسی لگانے کیلئے بولا ہے یہ کنفرم نہیں ہو رہی۔
یوٹیوبر نے جواب دیا کہ نیشنل سیکیورٹی کونسل میں چیئرمین جوائنٹ چیف، ایئر چیف اور نیول چیف نہیں مان رہے۔
تیسری کال میں روہت شرما پاکستان کے اندرونی معاملات پر پوچھ رہا ہے،را ایجنٹ نے پوچھا کہ کیا پاکستان آرمی ٹیک اوور کرسکتی ہے۔
مجھے ایسی خبریں مل رہی ہیں، یوٹیوبر نے جواب دیا کہ وہ دھمکی تو ضرور دے رہے ہیں کے ٹیک اوور کرنا ہے۔
یوٹیوبر نے را ایجنٹ کو کہاکہ سپریم کورٹ کو وہ دھمکی دے رہے ہیں کہ ہم ٹیک اوور کر لیں گے۔
آرمی چیف کا پلان بھی ہے کہ میں کسی طرح ٹیک اوور کر لوں۔یہ3کالز یہ ثابت کرتی ہے یوٹیوبر باقاعدہ طور پر بھارتی را کے ساتھ رابطے میں ہے۔
