ممبئی (این این آئی) بالی ووڈ میں پاکستانی گانوں کے کاپی ماسٹر جوبن نوٹیال نے پہلی بار گانا کاپی کرنے کے بعد اصل گلوکار کو کریڈٹ دے دیا۔
بالی ووڈ فلم یاریاں 2 کا گانا بے وفا تو حال ہی میں ریلیز کیا گیا ہے جس نے ریلیز ہوتے ہی دھوم مچا دی ہے تاہم یہ فلم 20 اکتوبر کو ریلیز ہوگی۔
ماضی کی طرح یہ گانا بھی جوبن نوٹیال کے دیگر کئی گانوں کی طرح پاکستانی گانے کا چربہ ہے لیکن اس بار انہوں نے خود اس کا کریڈٹ پاکستانی موسیقار کو باخوشی دیا ہے۔
فلم یاریاں 2 کا گانا بے وفا تو مشہور پاکستانی گلوکار رحیم شاہ کی پہلی البم غم، جو 1999 میں ریلیز ہوئی تھی، کے مقبول ترین گانے پہلے تو کبھی کبھی غم تھا کی کاپی ہے۔
