دہلی(این این آئی)بھارتی سابق کرکٹر وریندر سہواگ نے خالی اسٹیڈیمز کو بھرنے کیلئے بچوں کو مفت ٹکٹ دینے کا مشورہ دیدیا۔
میڈیا رپورٹ کے مطابق سابق بھارتی اوپنر وریندر سہواگ نے ورلڈکپ منتظمین کو مشورہ دیا ہے کہ ابتدائی میچز میں شائقین سے خالی اسٹیڈیم کو بھرنے کیلئے بچوں کو مفت ٹکٹس دینے چاہئیں۔
واضح رہے کہ سماجی رابطے کی سائٹ ٹوئٹر (ایکس)پر ویڈیوز وائرل ہوئی تھیں جس میں دیکھا جاسکتا ہے کہ انگلینڈ اور نیوزی لینڈ کے درمیان کھیلے گئے ورلڈکپ کا افتتاحی میچ میں محض چند سو تماشائی موجود تھے۔
