شروع کے بلے باز کچھ نہیں کر رہے :ہیڈ کوچ بول پڑے

پاکستانی کرکٹ ٹیم کے ہیڈ کوچ گرانٹ بریڈبرن نے تسلیم کیا ہے کہ ہمیں پارو پلے کے اوورز میں وہ نہیں مل رہا جو ہم چاہتے ہیں۔
خیال رہے پاکستان کے اوپننگ بیٹرز گذشتہ کئی میچوں سے زیادہ رنز سکور نہیں کر پا رہے اور پچھلے پانچ میچوں میں ٹیم کے اوپنرز کے درمیان سب سے بڑی شراکت داری صرف 35 رنز کی ہے۔جمعے کو نیدرلینڈز کے خلاف میچ میں فخرزمان 12 اور امام الحق صرف 15 رنز بنا سکے تھے۔
سنہ 2018 میں زمبابوے کے خلاف 210 رنز بنانے والے بیٹر فخر زمان کا پچھلی 11 اننگز میں سب سے زیادہ سکور 33 رنز ہے۔
پیر کو انڈیا میں میڈیا سے بات کرتے ہوئے پاکستانی ہیڈ کوچ گرانٹ بریڈبرن نے کہا کہ ’ہمیں اپنے ٹاپ آرڈ پر پورا اعتماد ہے، ہمیں معلوم ہے کہ وہ کسی موقع پر چل جائے گا تاہم ہمیں یہ کہنے میں کوئی عار نہیں کہ پاور پلے کے اوورزمیں وہ نہیں مل رہاجو ہم چاہتے ہیں۔
انہوں نے کہا کہ ’ہم سری لنکن ٹیم کی بیٹنگ کی صلاحیتوں کو عزت دیتے ہیں اور ہم اُن کا سامنا کرنے کو تیار ہیں۔