ٹائٹن آبدوز کا بقیہ ملبہ اور انسانی باقیات مل گئیں

بحراوقیانوس سےانجینئرز نے جون میں تباہ ہونے والی ٹائٹن آبدوز نما کا بقیہ ملبہ اور مبینہ طور پر انسانی باقیات نکال لی ہیں۔
اس آبدوز میں اوشیئن گیٹ کمپنی کے سی ای او، ایک برطانوی ارب پتی مہم جو، ایک فرانسیسی ڈائیور کے علاوہ پاکستانی کاروباری شخصیت شہزادہ داؤد اور ان کے بیٹے سلیمان سوار تھے۔ یہ تمام افراد اس واقعے میں ہلاک ہو گئے تھے۔یہ آبدوز ٹاتینک جہاز کا ملبہ دیکھنے کیلئے تفریحی مہم پر گئی تھی
تاہم چند دن تک اس آبدوز نما کے لاپتہ ہونے کے بعد بین الاقوامی طور پر اسے تلاش کرنے کی مہم کا آغاز ہوا تھا جس کے دوران یہ خبر عوام کی توجہ کا مرکز رہی۔
امریکی کوسٹ گارڈ نے بتایا کہ ٹائٹن کے بقیہ حصے گذشتہ ہفتے سمندر کی تہہ سے ملے جنھیں ایک امریکی بندرگاہ لے جایا گیا۔ طبی ماہرین مبینہ انسانی باقیات کا تجزیہ کریں گے۔
واضح رہے کہ اوشیئن گیٹ کمپنی کے نزدیک ٹائٹن ایک تجرباتی آبدوز تھی جس کی مدد سے سمندر میں 3800 میٹر کی گہرائی میں موجود ٹائٹینک جہاز کے ملبے تک متعدد بار سفر کیا جا چکا تھا۔
اوشیئن گیٹ کمپنی کے شیف ایگزیکٹیو سٹاکٹن رش بھی ڈوبنے والی آبدوز نما میں سوار تھے جو پانی کے شدید دباؤ سے پھٹ گئی تھی۔