روم (این این آئی)اٹلی میں پناہ کے متلاشی تارکین وطن کو گرفتاری سے بچنے کیلئے 4 ہزار 938 یورو ادائیگی کرنا ہوگی۔
غیرملکی خبررساں ادارے کے مطابق حکومت نے نئے قوانین کا اعلان کرتے ہوئے کہا کہ گرفتار افراد کی مدتِ حراست میں بھی 3 ماہ سے 18 ماہ تک کا اضافہ کردیا جائے گا۔
اس وقت اٹلی آنے والے تارکین وطن جو سیاسی پناہ کیلئے درخواست دیں وہ ملک میں کہیں بھی گھوم پھر سکتے ہیں جب تک کہ ان کی درخواست پر جائزہ لیا جائے۔
جاری ہونے والے سرکاری حکم نامے کے مطابق پناہ کے درخواست گزاروں کو ایک قسم کی ضمانتی رقم جمع کرانا ہوگی تاکہ وہ گرفتاری سے بچ سکیں۔
اس وقتاٹلی میں 10 ایسے مراکز قائم ہیں جہاں تارکین وطن کو ٹھہرایا جاتا ہے لیکن ان میں صرف 619 افراد کی گنجائش ہے۔وزیراعظم جارجیا میلونی کا کہنا ہے تھاوہ تارکین وطن کے کیمپوں کی تعداد دگنی کرنا چاہتی ہیں، ملک کے تمام 20 علاقوں میں ایک ایک کیمپ ہونا چاہیے۔
