اسرائیلی طیاروں کے شہری آبادیوں پر مسلسل حملے: 20 سے زیادہ مساجد شہید

طوفان الاقصیٰ کے آغاز کے بعد سے اسرائیلی طیارے مسلسل شہری آبادیوں کو نشانہ بنا رہے ہیں۔ گذشتہ5 دنوں کے دوران 20 سے زیادہ مساجدکو بمباری کر کےشہید کر دیا گیا ہے۔
فلسطینی خبررساں ادارے کے مطابق اوقاف اور مذہبی امور کی وزارت کے اہلکار اکرامی سالم نے میڈیا کو بتایا کہ اسرائیلی قابض فوج نے اپنے جنگی طیاروں کے ذریعے غزہ کی پٹی میں 20مساجد کو جزوی یا مکمل طور پر شہید کیا ہے۔انہوں نے بتایا کہ وزارت اوقاف و مذہبی امور کی مرکزی عمارت اور فلسطین ٹاور میں وزارت القرآن ریڈیو کے 14 منزلوں پر مشتمل ہیڈ کوارٹر کے علاوہ بیت لاہیا قصبے کی سعد الانصاری مسجد، خان یونس شہر میں واقع الحبیب محمد مسجد، الیرموک، احمد یاسین، العباس غزہ شہر میں سوسی، اور شتیوی، اور جبالیہ پناہ گزین کیمپ میں موجود مساجد کو شہید کیا گیا ۔دوسری طرف اسرائیل کی مکمل ناکہ بندی کے بعد غزہ کے واحد بجلی گھر نے ایندھن ختم ہونے کے بعد کام کرنا بند کر دیا ہے، جس کے باعث غزہ میں بجلی کی فراہمی بند ہو گئی۔
اسرائیل نے پیر سے غزہ میں بجلی، ایندھن، خوراک اور پانی کی فراہمی بند کر دی تھی، دوسر ی جانب برطانوی وزیر خارجہ جیمز کلیورلی اسرائیلی حکام کو برطانوی حمایت کا یقین دلانے اسرائیل پہنچ گئےہیں