کیلاش قبیلے کی سائرہ جبیں آسٹریلوی کرکٹ کلب کی کپتان بن گئیں

خیبرپختونخوا کے ضلع چترال میں کیلاش قبیلے کی سائرہ جبین آسٹریلوی کرکٹ کلب کی کپتان بن گئیں۔
سائرہ جبیں کو چترال کی پہلی کرکٹر خاتون ہونے کااعزازحاصل ہے۔
یونیورسٹی آف پنجاب کی ٹیم کی کھلاڑی سائرہ کوکارکردگی اور کرکٹ جنون دیکھ کر آسٹریلیا کرکٹ ایسوسی ایشن نے مدعو کیا تھا۔ سائرہ جبین پراماٹا کرکٹ کلب کے ساتھ منسلک ہیں ۔
سائرہ کے ساتھ آسٹریلین کرکٹ ایسوسی ایشن نے 6 ماہ کے لیے معاہدہ کیا ہے جس کو مزید توسیع دی جائے گی۔
سائرہ کے والد انجینئر خان کے مطابق ’ بیٹی کوبچپن سے کرکٹ کا جنون تھا وہ لڑکوں کی طرح کپڑے پہن کر گاؤں کے بچوں کے ساتھ کرکٹ کھیلا کرتی تھیں۔ میں نے جب بیٹی کا شوق دیکھا تو اسے منع نہیں کیا بلکہ اس کے لیے بیٹ اور گیند خریدے۔