صوبہ خیبرپختونخوا کے علاقے ایبٹ آباد میں زیرتعمیر گھر کے کنویں سے 3 بھائیوں کی لاشیں ملی ہیں۔
میڈیا رپورٹس کے مطابق ایبٹ آباد کے علاقے بجنہ ڈھوڈیال میں زیرتعمیر گھر کے کنویں میں لاشوں کی موجودگی پر ریسکیو ٹیمیں موقع پر پہنچیں۔
ریسکیو ٹیموں نے لاشوں کو کنویں سے نکالا، مرنے والوں کی شناخت عمر، ذیشان اور منیب کے ناموں سے ہوئی ہے جو سگے بھائی ہیں۔
پولیس نے موقع پر پہنچ کر جائزہ لیا اور لاشوں کو ہسپتال منتقل کر دیا گیا۔
پولیس کا موقف ہے کہ تینوں بھائی خود گھر کی تعمیر کا کام کر رہے تھے، ان کی موت کے حوالے سے مزید تحقیقات کی جائیں گی۔
