فلسطین میں معصوم بچوں کے قتل عام پر عالمی رہنما سو رہے ہیں : ماورا حسین

پاکستان کی معروف اداکارہ ماورا حسین بھی فلسطین کی حمایت میںبول پڑیں۔
غزہ پر ہفتے سے جاری اسرائیل کی وحشیانہ بمباری سے شہید فلسطینیوں کی تعداد 2 ہزار 215 ہوگئی ہے جبکہ اب تک 8 ہزار 714 فسلطینی زخمی ہوئے۔
ایسے میں یمنیٰ زیدی، اُشنا شاہ، صبا قمر، ہانیہ عامر، عثمان خالد بٹ سمیت دیگر شوبز ستاروں نے فلسطینی عوام کے حق میں اپنی اواز اُٹھائی۔
ماورا حسین نے سماجی رابطے کی ویب سائٹ ایکس (سابق ٹوئٹر) پر جاری کیے گئے پیغام میں کہا کہ ‘معصوم بچے مررہے ہیں جبکہ عالمی رہنما سو رہے ہیں’۔اداکارہ نے کہا کہ ‘یہ انسانی جانوں کے بارے میں ہے، فلسطین میں تمام مذاہب کے لوگوں کو تشدد سے مارا جا رہا ہے’۔
انہوں نے خاموش دُنیا سے سوال کیا کہ ‘دنیا اس پر اتنی خاموش یا غیر جانبدار کیوں ہے؟’
ماورا حسین نے اپیل کرتے ہوئے کہا کہ ‘غزہ کی نسل کشی کے لیے اپنی آواز بلند کریں’