ٹانک میں شدید ژالہ باری:زمین سفید ۔ موسم سرد ہو گیا

خیبر پختونخوا کے ضلع ٹانک میں آج شدید اولے پڑے جس سے موسم سرد ہوگیا۔
تفصیلات کے مطابق ضلع ٹانک میں آج شدیدژالہ باری ہوئی جس سے ہر طرف سفیدی چھا گئی ۔شدیدژالہ باری سے موسم سرد ہوگیا۔دوسری جانب اسلام آباد، خیبر پختونخوا، بالائی پنجاب، گلگت بلتستان اور کشمیر میں آندھی اور گرج چمک کے ساتھ بارش،بعض مقامات پر ژالہ باری کا امکان ظاہر کیا گیا ہے۔
آئندہ چوبیس گھنٹوں کے دوران اسلام آباد، خیبر پختونخوا، بالائی پنجاب، گلگت بلتستان اور کشمیر میں آندھی اور گرج چمک کے ساتھ بارش جبکہ بلند پہاڑوں پر برف باری اور میدانی علاقوں میں بعض مقامات پر ژالہ باری کا بھی امکان ہے۔