سندھ میں عام انتخابات کی تیاریوں پر جائزہ اجلاس طلب

اسلام آباد:الیکشن کمیشن نے سندھ میں عام انتخابات کی تیاریوں کے جائزہ کے لئے اہم اجلاس طلب کر لیا۔
چیف الیکشن کمشنر سکندر سلطان راجہ پیر16 اکتوبر کو کراچی پہنچیں گے،چیف الیکشن کمشنر کے ہمراہ سیکرٹری الیکشن کمشنر اور کمیشن کے دیگر افسر بھی ہوں گے، انتخابات سے متعلق چیف سیکرٹری آفس میں منگل 17 اکتوبر کو اہم اجلاس ہوگا جس میں صوبے میں انتخابات کی تیاریوں کا جائزہ لیا جائے گا۔چیف سیکرٹری سندھ اجلاس میں صوبے میں انتخابات سے متعلق بریفنگ دیں گے، صوبائی الیکشن کمشنراعجاز انور چوہان بھی اجلاس میں بریفنگ دیں گے۔