لاہور( این این آئی) پاکستان ریلوے کو جولائی تا ستمبر 775ملین روپے کا منافع حاصل ہو اہے ، ایم ایل ون منصوبے پر دستخط کے لئے ریلوے کی ٹیم چین روانہ ہو چکی ہے ۔ یہ بات چیف ایگزیکٹو آفیسر ریلوے شاہد عزیز نے بتائی ۔
انہوں نے کہا کہ ریلوے کی آمدنی 86 فیصد اضافے کے بعد 17ارب96 کروڑ روپے ہوگئی،ایم ایل ون ترمیمی منصوبے پر دستخط کے لئے ریلوے ٹیم بیجنگ روانہ ہوچکی۔ منصوبے کی لاگت 9.6 سے کم کرکے 6.6 ارب ڈالر کر دی گئی ہے۔
کراچی سے پشاور100ٹرینیں روزانہ چلیں گی،کراچی تالاہورکاسفری دورانیہ 18گھنٹے سے کم ہو کر12 گھنٹے رہ جائے گا۔
