عالمی شہرت یافتہ نامور امریکی صحافی عظمت خان کا انسٹا گرام اکاؤنٹ غزہ جنگ سے متعلق اسٹوری کرنے پر بلاک کر دیا گیا ہے۔
امریکی صحافی عظمت خان نے کہا ہے کہ غزہ جنگ سے متعلق اسٹوری کرنے پر میرا انسٹا گرام اکائونٹ کو بلاک کر دیا گیا۔
سماجی رابطوں کی ویب سائٹ ایکس پر اپنی پوسٹ میں عظمت خان نے لکھا کہ دیگر بھی کئی صحافیوں کے سوشل میڈیا اکاؤنٹس پر پابندیاں لگائی جا رہی ہیں۔
انہوں نے لکھا کہ ایسا کرنا معلومات کو لوگوں تک پہنچانے کے حق پر غیرمعمولی حملہ ہے۔
عالمی ایوارڈ یافتہ خاتون صحافی کا کہنا ہے کہ غزہ میں اس وقت جو صورت حال ہے وہاں معلومات کا حصول پہلے ہی مشکل ہو رہا ہے اور اب ایسی پابندیوں کی وجہ سے آزادی صحافت پر مزید سوال اٹھنا شروع ہو گئے ہیں۔
