سکاٹ لینڈ کا غزہ چھوڑنے والے فلسطینیوں کو پناہ دینے کا اعلان

ایڈنبرگ:سکاٹ لینڈ کے فرسٹ منسٹر حمزہ یوسف نے جنگ سے متاثرہ غزہ کے لوگوں کو پناہ دینے کا اعلان کر دیا۔
غیرملکی خبررساں ادارے کے مطابق میڈیا سے گفتگو کرتے ہوئے سکاٹ لینڈ کے فرسٹ منسٹر حمزہ یوسف نے کہا کہ جہاں تک ممکن ہو سکا زخمی بچوں، خواتین اور مردوں کا علاج کریں گے، ماضی میں بھی سکاٹ لینڈ کے عوام نے اپنے دل اور گھر پناہ گزینوں کیلئے کھولے تھے، ماضی میں پناہ حاصل کرنے والوں میں شام اور یوکرین سمیت دیگر ممالک کے لوگ شامل تھے۔