پاکستان کرکٹ بورڈ ( پی سی بی) نے مزید5 کرکٹرز کوسینٹرل کنٹریکٹ کی فہرست میں شامل کر لیا جس کے بعد سینٹرل کنٹریکٹ کے حامل کھلاڑیوں کی تعداد 30 ہو گئی ہے۔
پی سی بی اعلامیہ کے مطابق 3 سالہ سینٹرل کنٹریکٹ کا اعلان گزشتہ ماہ کیا تھا جس کا اطلاق یکم جولائی 2023 سے 30 جون 2026 تک ہوگا۔ ابتدائی طور پر 25 کھلاڑیوں کے ناموں کو حتمی شکل نجم سیٹھی کی سربراہی میں انتظامی کمیٹی نے دی تھی، لیکن ذکا اشرف کی سربراہی میں نئی کمیٹی نے اس فہرست کا جائزہ لینے کا فیصلہ کیا۔
سینٹرل کنٹریکٹ کا حصہ بننے والے کھلاڑیوں میں ابرار احمد اور نعمان علی ’سی‘ کیٹگری، طیب طاہر، عامر جمال اور ارشد اقبال کو ’ڈی‘ کیٹیگری میں شامل کرلیا گیا ہے۔
اعلامیے کے مطابق سابق کپتان سرفراز احمد کو اس سے پہلے ’ڈی‘ کیٹیگری میں رکھا گیا تھا لیکن اب ’بی‘ کیٹیگری کا حصہ بنایا گیا ہے۔
مزید5 کرکٹرز کوسینٹرل کنٹریکٹ مل گیا، سرفراز کی ترقی
