پی ٹی آئی پی کے سربراہ پرویز خٹک نے کہا ہے کہ صحت کارڈ ہم نے دیا یہ چیئرمین پی ٹی آئی کا ویژن نہیں تھا۔
تفصیلات کے مطابق پشاور میں منعقدہ ورکرز کنونشن سے خطاب کرتے ہوئے انہوں نے کہا کہ چیئرمین پی ٹی آئی میں غرور تھا اور وہی انہیں لے ڈوبا۔
پرویز خٹک نے کہا کہ پی ٹی آئی میں آنے کا مقصد عوام کی خدمت کرنا تھا اور جب خدمت نہ کر سکے تو پارٹی چھوڑ دی۔
پی ٹی آئی نے ساڑھے 3 سال حکومت میں ایک وعدہ پورا نہیں کیا تو مجھے سوچنا پڑا کہ کب تک ان جھوٹوں کا ساتھ دیتا رہوں گا ۔
میں ڈرنے والا ہوں اور نہ ہی کسی کی منت سماجت کرنے والا ہوں، پرویز خٹک بھوکا رہے گا لیکن حرام نہیں کھائے گا۔
پی ٹی آئی میں ایماندار لیڈر نہیں بلکہ پیسے والے ہیں اور میں جھوٹے وعدوں کی بجائے عملی کام کرتا ہوں۔
