حماس کے سربراہ خالد مشعل نے کہا ہے کہ اسرائیل پر حملہ ایک حسابی مہم جوئی ہے۔ اسرائیل کو شکست سے دوچار کریں گے۔
العربیہ چینل کے ساتھ انٹرویو میں انہوں نے کہا کہ قیدیوں کی تعداد کی تفصیلات صرف القسام بریگیڈز کے پاس موجود ہیں،ہمارے پاس کافی اسرائیلی فوجی قید ہیں ، اسرائیلی قیدیوں کا تبادلہ اسرائیل کے زیر حراست اپنے تمام قیدیوں سے کرینگے۔ غزہ میں مزاحمت پر تنقید کرنے والی کوئی آواز نہیں ۔ ہم چاہتے ہیں کہ ایک متحد عرب اسلامی موقف ہو جو مغرب پر جنگ روکنے کیلئے دباؤ ڈالے۔
انہوں نے کہا کہ اسرائیل حماس کو ختم کرنے میں کامیاب نہیں ہو گا۔ وہ ملک جنہوں نے ہمیں دہشتگردوں کی فہرست میں ڈالا ہے، وہ تیسرے فریق کے ذریعے ہم سے رابطہ کر رہا ہے۔
خالد مشعل نے کہا مزید کہا کہ حماس اس بات کو قبول نہیں کرتی کہ امداد صرف جنوبی غزہ کی پٹی کے لوگوں تک محدود ہو۔ اگر غزہ کے لوگوں کی نقل مکانی ہوتی ہے تو مصر اور اردن کو نقصان پہنچے گا۔
