ڈائریکٹوریٹ جنرل امیگریشن اینڈ پاسپورٹ کو لیمینیشن پیپرز موصول ہو گئے ہیں، جس کے بعد پرنٹنگ آپریشن شروع کردیا گیا۔
تفصیلات کے مطابق پاسپورٹ اجرا میں تاخیر کے معاملے پرنگران وزیر داخلہ سرفراز بگٹی نے ایکشن لے لیا، پاسپورٹ پرنٹنگ کیلئے لیمینیشن پیپرز ڈائریکٹوریٹ کو موصول ہو گئے ہیں۔
وزیر داخلہ کے حکم پر ڈائریکٹوریٹ جنرل امیگریشن اینڈپاسپورٹ پرنٹنگ آپریشن شروع کردیا گیا ہے ، لیمینیشن پیپرز کی کمی پر قابو پانے کیلئے ہنگامی طور پر انتظامات مکمل کر لیے۔
وزارت داخلہ کا کہنا تھا کہ پاسپورٹ پرنٹنگ عمل کو تیز کرنے کیلئے اضافی مشینری مختص کردی گئی ہے، نئے پاسپورٹس کی بروقت ترسیل کیلئےاضافی اہلکار اور عملہ تعینات کیا گیا ہے۔
