چین نے وزیر دفاع لی شانگ فو اور سابق وزیر خارجہ چن گانگ سمیت 4 وزرا کو کابینہ سے برطرف کردیا۔
سرکاری نشریاتی ادارے ’سی سی ٹی وی‘ نے رپورٹ کیا ہے کہ عوامی جمہوریہ چین کی قائمہ کمیٹی کی 14ویں نیشنل پیپلز کانگریس کے اجلاس میں دونوں وزرا کو کابینہ کی رکنیت سے فارغ کرنے کا فیصلہ کیا گیا۔
کمیٹی نے چن گانگ کو اسٹیٹ کاؤنسلر کے عہدے سے پہلے برطرف کر دیا تھا تاہم وزیر دفاع لی شانگ فو کوہٹانے کا کوئی سبب نہیں بتایا گیا۔
سی سی ٹی وی کے مطابق سائنس اور ٹیکنالوجی کے وزیر وانگ زیگنگ اور وزیر خزانہ لیوکن کو بھی ان کے عہدوں سے ہٹادیا گیا ہے، ان کی جگہ موجودہ وزارت سائنس اور ٹیکنالوجی پارٹی سیکریٹری ین ہیجن اور وزارت خزانہ کے پارٹی سیکریٹری لان فوان کو مقرر کیا جائے گا۔
چین نے وزیر دفاع،وزیر خزانہ سمیت 4وزرا کو برطرف کر دیا
