عالمی شہرت رکھنے والے پاکستان کے معروف گلوکار عاطف اسلم نے ایک شخص کی جانب سے نوٹ پھینکنے کے موقع پر کنسرٹ روک دیا۔
پاکستانی گلوکار ان دنوں امریکا کے دورے پر ہیں جہاں پر وہ مداحوں کو اپنی جادو بھری آواز سے محظوظ کر رہے ہیں۔
سوشل میڈیا پر ایک ویڈیو وائرل ہے جس میں دیکھا جا سکتا ہے کہ گلوکار پر کنسرٹ کے دوران جب نوٹ پھینکے جاتے ہیں تو وہ غصہ کرنے کے بجائے مداح سے کہتے ہیں کہ اپنے پیسے آ کر سمیٹ لو اور کسی اچھی جگہ پر عطیہ کر دینا۔
عاطف اسلم مزید کہتے ہیں کہ آپ کے امیر ہونے کا مجھے علم ہے لیکن ضروری ہے کہ پیسے کی عزت کی جائے اور اسے اچھے مقاصد کے لیے استعمال کیا جائے۔
سوشل میڈیا پر ویڈیو وائرل ہونے پر صارفین نے عاطف اسلم کے اس عمل کو بہت پسند کیا ہے۔
