اسلام آباد ہائی کورٹ نے پاکستان ڈیمو کریٹک موومنٹ (پی ڈی ایم ) کے دور حکومت میں تعینات کئے گئے وفاقی سیکرٹریز کی تفصیل طلب کرلی۔
کیپٹل ڈویلپمنٹ اتھارٹی (سی ڈی اے) میں تعینات ڈیپوٹیشن افسر ممبر پلاننگ کے تبادلے کے خلاف درخواست پر سماعت کے دوران اسلام آباد ہائی کورٹ نے استفسار کیا کہ اب تک سابق حکومت کے لگائے گئے کتنے وفاقی سیکرٹری کام کر رہے ہیں ؟۔عدالت نے پولیس میں تبادلوں سے متعلق خصوصی طور پرمعلوم کیا۔
جسٹس میاں گل حسن نے ڈی جی الیکشن کمیشن کو ہدایت کی کہ اپنے نوٹی فکیشن پر بلا امتیاز عمل کرائیں ۔ اگر آئندہ منگل تک الیکشن کمیشن کے حکم پر بلا امتیاز عمل نہ ہوا تو اس کیس میں آرڈر معطل کردیا جائے گا۔
