اسرائیلی فوج اور فلسطین کی مزاحمتی تنظیم حماس کے درمیان ہونے والی کشیدگی کے بعد غزہ پر بمباری کا سلسلہ جاری ہے، اب تک شہید ہونے والے فلسطینیوں کی تعداد 4300 سے تجاوز کر گئی ہے۔

اسرائیل کی جانب سے شہری آبادیوں کو نشانہ بنایا جارہا ہے، قابض فوج ہسپتالوں اور عبادت گاہوں پر بھی حملے کر رہی ہے۔

اسرائیل کی جانب سے کی جانے والی بمباری کے باعث غزہ کی پٹی پر 30 فیصد سے زیادہ گھر تباہ ہو چکے ہیں اور اب تک تقریباً 10 لاکھ افراد بے گھر ہو گئے ہیں۔

اسرائیلی فوج کی جانب سے شیبافارمز سے متصل جنوبی لبنان کو بھی نشانہ بنایا گیا ہے، اب امکان ہے کہ اسرائیلی فوج کسی بھی وقت غزہ میں زمینی کارروائی کے لیے داخل ہو سکتی ہے۔

دوسری جانب حماس کے رہنما اسماعیل ہنیہ نے کہا ہے کہ اگر اسرائیلی جارحیت کا سلسلہ نہ رکا تو یہ تنازع علاقئی جنگ میں بدل سکتا ہے جو خطرناک ہو گا۔

اسرائیل نے تصدیق کی ہے کہ حماس اور حزب اللہ کے حملوں میں اب تک 2 ہزار اسرائیلی شہریوں کی ہلاکتیں ہو چکی ہیں۔

حماس اور حزب اللہ کے حملوں میں زخمی ہونے والوں کی تعداد ساڑھے 4 ہزار سے زیادہ بتائی گئی ہے۔

مزاحمتی تنظیم حزب اللہ کی جانب سے ایک ویڈیو جاری کی گئی ہے جس میں اسرائیل کے ٹینکوں کو ہدف بنانے کے حوالے سے دکھایا گیا ہے۔

دوسری جانب اسرائیل کی فوج نے لبنان میں حزب اللہ کی پوزیشن پر حملے کیے ہیں، اس کے علاوہ ایک اور ویڈیو سامنے آئی ہے جس میں اسرائیلی ڈرون کو مبینہ طور پر تباہ کیا گیا ہے۔

لبنان کی مزاحمتی تنظیم نے اسرائیلی فوج کے جاسوسی آلات کو نشانہ بنایا ہے جبکہ جنوبی لبنان کی طرف بھیجا گیا مبینہ اسرائیلی ڈرون بھی فضا میں تباہ کر دیا گیا ہے۔

ایران کے صدر ابراہیم رئیسی نے غزہ کے ہسپتال میں ہونے والے دھماکے کے جواب میں اسرائیل کو اسلامی دنیا کی طرف سے سخت انتقام سے خبردار کیا ہے۔

وسطی تہران میں ہزاروں افراد کے مظاہرے کے دوران بات کرتے ہوئے انہوں نے کہا کہ ہسپتال پر حملے کے ساتھ ہی صیہونی حکومت کا خاتمہ شروع ہو جائے گا۔ فلسطینیوں کے خون کا ہر قطرہ صیہونی حکومت کو اپنے زوال کے ایک قدم اور قریب لے جا رہا ہے۔

ابراہیم رئیسی نے کہا کہ امریکا اسرائیل کے جرائم میں اس کا ساتھی ہے۔ دنیا کے لوگ امریکاکو صیہونی حکومت کے جرائم کا ساتھی سمجھتے ہیں۔واضح رہےبدھ کے روز غزہ میں ایک ہسپتال کے کمپلیکس پر راکٹ گرنے کے بعد فلسطین اور غزہ میں ہونے والے جرائم کا عالم اسلام کی طرف سے سخت انتقام سے خبردار کیا ہے۔

غزہ میں صحت کے حکام کے مطابق الاہلی عرب ہسپتال پر اسرائیل کے حملے میں سینکڑوں افرادشہید ہوئے ہیں۔ 7 اکتوبر سے شروع لڑائی میں 12 روز کے دوران لگ بھگ 3500 فلسطینی شہید اور 1400 اسرائیلی ہلاک ہو چکے ہیں۔

اسرائیل کی جانب سے غزہ پر بمباری کے باعث صورتحال سنگین ہو گئی ہے، اسرائیل کی جانب سے کیے گئے حملوں میں شہید فلسطینیوں کی تعداد 2600 سے زیادہ ہو گئی ہے، ہزاروں فلسطینی زخمی ہیں جبکہ 10 لاکھ سے زیادہ بے گھر ہو گئے ہیں۔

اسرائیل نے نقل مکانے کرنے والوں کو بھی نہیں بخشا اور اس دوران 250 نہتے فلسطینیوں کو قتل کرنے کے مناظر سامنے آئے ہیں، ان مناظر نے دنیا کو دہلا کر رکھ دیا ہے۔

اسرائیل کی جانب سے ہسپتالوں پر بھی بمباری کی جارہی ہے، عرب نیشنل ہسپتال پر صیہونی فضائیہ کے حملے میں کئی ڈاکٹرز شہید ہو گئے۔

اسرائیل کی جانب سے دعویٰ کیا جا رہا ہے کہ اتوار کو کیے گئے حملوں میں حماس کے کمانڈر معیتازعید کو شہید کر دیا گیا ہے۔

غزہ میں لگاتار بمباری کے باعث شہید فلسطینیوں کی میتیں رکھنے کے لیے ہسپتالوں کے مردہ خانوں میں جگہ کم پڑ گئی ہے، جس کے باعث میتیں آئس کریم کے ٹرکوں اور ریفریجریٹر گاڑیوں میں رکھی جا رہی ہیں۔

اسرائیلی فوج کا کہنا ہے کہ حماس کی جانب سے یرغمال بنائے گئے اسرائیلیوں کی تعداد 155 ہے، جبکہ اس سے قبل یرغمالی اسرائیلیوں کی تعداد 126 بتائی گئی تھی۔

امریکا کے صدر جوبائیڈن نے کہا ہے کہ اگر اسرائیل کی جانب سے غزہ پر دوبارہ قبضہ کیا جاتا ہے تو یہ اس کی بہت بڑی غلطی ہو گی۔

اپنے ایک انٹرویو میں امریکی صدر بائیڈن نے کہا کہ حماس کا وجود مٹانا ضروری ہے، میں غور کر رہا ہوں کہ جلد اسرائیل کا دورہ کروں۔

دوسری جانب صدر جوبائیڈن نے فلسطین کے صدر محمود عباس سے بھی ٹیلفونک رابطہ کیا ہے۔ بائیڈن نے کہا کہ حماس کی جانب سے جو کچھ کیا جا رہا ہے یہ فلسطینیوں کے حق خودارادیت کی ترجمانی نہیں۔

فلسطینی صدر محمود عباس نے بھی امریکی صدر جوبائیڈن کے موقف کی تائید کی۔

اِدھر امریکا کی قومی سلامتی کے مشیر نے خبردار کیا ہے کہ اسرائیل اور حماس کے درمیان جنگ ایک بڑے تنازع میں بدل سکتی ہے۔

اسرائیل خود پر تاریخ کے مہلک ترین حملے کے ردعمل میں غزہ پر زمینی حملے کی تیاری کر رہا ہے۔ جنگ کے نویں روز اسرائیل کی جانب سے غزہ کی پٹی پر بمباری کا سلسلہ جاری رہا۔ اسرائیل نے شمالی غزہ میں فلسطینیوں پر زور دیا ہے کہ وہ جنوب کی جانب نقل مکانی کر جائیں۔
حماس کے اچانک راکٹ حملے میں اسرائیل میں 1400 سے زائدافراد ہلاک ہو گئے تھے جس کے جواب میں اسرائیل نے غزہ میں حماس کو ٹارگٹ کرنے کے لیے بمباری کی جس کے نتیجے میں اب تک  2450 فلسطینی شہید اور 9200 زخمی ہو چکے ہیں جن میں 60 فیصد بچے ،خواتین اور بزرگ افراد شامل ہیں  جبکہ 10 لاکھ سے زیادہ فلسطینی بے گھر ہوچکے ہیں اور جنوبی غزہ کی طرف نقل مکانی کررہے ہیں۔
اسرائیل نے شمالی غزہ کے تقریباً 11 لاکھ شہریوں کو خبردار کیا ہے کہ وہ زمینی حملے سے قبل جنوب کی طرف انخلا کر جائیں ۔
اقوام متحدہ نے انخلا کے اسرائیلی الٹی میٹم پرعملدرآمد کوناممکن قرار دیتے ہوئے ہدایات واپس لینے کا کہاتھا لیکن اسرائیلی فوج نے اقوام متحدہ کی درخواست خاطر میں نہیں لائی۔
اسرائیلی وارننگ کے بعد غزہ سے لوگ بے سروسامانی کی حالت میں نکلتے دکھائی دے رہے ہیں
کاروں، ٹرکوں اور گدھا گاڑیوں کا ایک سلسلہ جنوب کی جانب سے رواں دواں نظرآرہاہے ، جن پر تمام خاندان سوار تھے اور ان کے سامان، گدے، بستر اور بیگ لدے ہوئے نظر آئے۔
فلسطینی عوام کو ہر طرف موت کاسامنا ہے۔ اگرغزہ چھوڑ جائیں تو راستے میں اسرائیلی فوج کی بمباری اور بھوک افلاس ،کیمپوں کی زندگی جیسے چیلنجز کاخوف ستاتا ہے، غزہ میں ٹھہرے رہیں تو چاروں اطراف سے ہونے والی بمباری اور محاصرہ خوفزدہ کئے ہوئے ہے۔
غزہ ایک ایسے انسانی المیہ کاشکارہے جہاں ہسپتالوں میں مریضوں اور لاشوں کے لئے جگہ کم پڑ گئی ہے ۔ لاشوں کی تدفین تک کے لئے بھی حالات موافق نہیں رہے ۔
ہسپتالوں میں ادویات، بجلی، فیول کی کمی نے بحران میں مزیداضافہ کردیاہے جس کی وجہ سے ڈاکٹرز اور طبی عملہ بھی بے بس ہو گیاہے۔
ادھراسرائیل نے حماس کے اعلیٰ کمانڈر کو فضائی حملے میں شہید کرنے کادعویٰ کرتے ہوئے ویڈیو جاری کردی ہے۔
اسرائیلی میڈیا کے مطابق حماس کے عز الدین القسام بریگیڈ کی بحری کمانڈوز یونٹ نخبہ فورس کے سربراہ بلال الکیدرا کا ٹھکانہ خان یونس میں تھا جس کاسراغ لگا کراسرائیلی فورسز نے بمباری کی۔
اسرائیلی فورسز کی جانب سے جاری بیان میں کہا گیا ہے کہ خان یونس اور مغربی جبالیہ میں حماس کے آپریشنل کمانڈ سینٹرزاور فوجی کمپائونڈز سمیت 100 سے زائداہداف پر فضائی حملے کیے ۔
اسرائیلی فورسزنے دعویٰ کیاہے کہ فضائی حملوں میں حماس کے کئی اینٹی ٹینک میزائل لانچ پیڈزاوراسلحہ ساز فیکٹریوں کو تباہ کر دیا گیا۔
عرب میڈیا کے اسرائیل نے دعویٰ کیا کہ بلال الکیدرانے اسرائیل میں ایک بستی نیریم میں قتل عام کی منصوبہ سازی کی تھی ۔
یادرہے کہ گزشتہ روز بھی ایک اور اسرائیلی فضائی حملے میں حماس کے ایک سینئر فوجی کمانڈر مراد ابو مراد کی ہلاکت کا دعویٰ کیا گیا تھا جو اسلامی گروپ کی فضائی کارروائیوں کے سربراہ تھے۔