معروف ہالی وڈ اداکار جیسن سٹیتھم نے اسرائیل کی جانب سے غزہ پر بمباری کی مخالفت کر دی ہے اور اپنی گاڑی پر فلسطینی پرچم لگا کر فلسطین کے عوام کے ساتھ اظہار یکجہتی کیا ہے۔

ہالی وڈ اداکار جیسن سٹیتھم کی سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ انہوں نے اپنی گاڑی پر فلسطین کا پرچم لگایا ہوا ہے۔

ہالی ووڈ اداکار جیسن سٹیتھم نے پولیس کو چیلنج کرتے ہوئے اپنی گاڑی پر فلسطینی 🇵🇸 جھنڈا لگا دیا۔

ایکشن فلموں کا لیجنڈ نام جیسن سٹیتھم، نہ صرف موویز میں بلکہ حقیقت میں بھی ایک بہترین آدمی ہے۔ pic.twitter.com/7Qd4SF2tIR

— RTEUrdu (@RTEUrdu) October 25, 2023

سوشل میڈیا صارفین نے ہالی وڈ اداکار کی جانب فلسطینیوں کی حمایت کے اقدام کو خوب سراہا ہے۔

بھارت کی معروف اداکارہ سوارا بھاسکر نے اسرائیل کی بمباری کا شکار مظلوم فلسطینی عوام کے ساتھ یکجہتی کا اظہار کیا ہے۔

سوشل میڈیا پر جاری اپنی ایک پوسٹ میں انہوں نے لکھا کہ اگر میری پیدائش بھی غزہ میں ہوئی ہوتی تو کیسے اپنی بیٹی کی حفاظت کرتی۔

انہوں نے لکھا کہ میری طرح ہر ماں کی کوشش ہوتی ہے کہ وہ اپنے بچے کو سکون دے، کوئی ماں اپنے بچے کو نقصان پہنچتا نہیں دیکھ سکتی۔

بھارتی اداکارہ نے کہا کہ جب میری بیٹی سکون سے سو رہی ہوتی ہے تو میرے دل میں یہ خیال پیدا ہوتا ہے کہ اگر میری بیٹی غزہ میں پیدا ہوئی ہوتی تو اس کی حفاظت کیسے کرتی۔

سوارا بھاسکر نے مزید لکھا کہ جیسے حالات آج غزہ میں ہیں دعا ہے میری بیٹی کو کبھی ایسا نہ دیکھنا پڑے۔