معروف بالی وڈ اداکار رنبیر کپور نے اپنی نئی آنے والی فلم ’اینیمل‘ کی ریلیز کے بعد کسی بھی فلم میں کام نہ کرنے کا اعلان کیا ہے۔

بھارتی میڈیا کا بتانا ہے کہ رنبیر کپور نے زوم کے ذریعے اپنے مداحوں کے ساتھ بات چیت کی ہے جس میں انہوں نے کہا کہ اینیمل کی ریلیز کے بعد کسی فلم میں کام نہیں کروں گا۔

رنبیر کپور کا کہنا ہے کہ وہ اب اپنا سارا وقت اہلیہ اور بیٹی کو دیں گے۔

بال وڈ اداکار کا کہنا تھا کہ اپنے کام میں مصروفیت کے باعث میں اپنی بیٹی کو ٹائم نہیں دے سکا، لہٰذا اب 6 ماہ تک اپنے گھر پر ہی رہوں گا اور اداکاری سے وقفہ لوں گا۔

انہوں نے کہا کہ میری بیٹی اب بڑی ہو رہی ہے اور سب کو پہچاننا بھی شروع کر دیا ہے۔

کرکٹ کا عالمی مقابلہ بھارت میں جاری ہے، آج کے میچ میں بھارت اور بنگلا دیش کی ٹیمیں آمنے سامنے ہوں گی۔

اس سے قبل پاکستان کی اداکارہ سحر شنواری نے بھارت بنگلا دیش میچ سے قبل انوکھا اعلان کر دیا ہے۔

سماجی رابطوں کی ویب سائیٹ ایکس پر سحر شنواری نے لکھا کہ اگر بنگلا دیش کی ٹیم نے بھارت کو ہرا دیا تو میں بنگالی لڑکے ساتھ فش ڈنر ڈیٹ کے لیے ڈھاکا جائوں گی۔

ایک اور پوسٹ میں سحر خان لکھتی ہیں کہ بھارت کو صرف بنگلا دیش کی ٹیم ہی سبق سکھا سکتی ہے۔

واضح رہے کہ بنگلادیش نے اب تک ایونٹ میں 3 میچز کھیلے ہیں جن میں سے ایک میں فتح حاصل کی ہے جب کہ 2 میں شکست کا سامنا کرنا پڑا ہے۔

ممبئی (این این آئی) بالی ووڈ فلم کے مشہور گانے تجھے یاد نہ میری آئی کا ریمیک بنانے کا اعلان کردیا گیا ہے۔

بھارتی میڈیا کے مطابق مقبول زمانہ فلم ‘کچھ کچھ ہوتا ہے’ کے گانے ‘تجھے یاد نہ میری آئی’ کے گانے کا ریمیک گلوکار بی پراک بنائیں گے۔ فلم کچھ کچھ ہوتا ہے کو رواں ماہ16 اکتوبر 25 سال مکمل ہوجائیں گے اس فلم میں بالی ووڈ کنگ شاہ رخ خان اور کاجول نے مرکزی کردار ادا کیا تھا۔

انسٹاگرام پر ایک پوسٹ میں گلوکار بی پراک کا کہنا تھا کہ اگر آپ پورے دل سے کوئی خواب دیکھتے ہیں تو خواب ظاہر ہونا شروع ہو جاتا ہے اور وہ سچ ہو جاتا ہے۔

ان کا کہنا تھا کہ مجھے یہ اعلان کرتے ہوئے بہت خوشی ہوہی ہے کہ مجھے شاہ رخ خان، کاجول اور رانی مکھرجی کے لیے ایک گانا گانے کا اعزاز ملا ہے مجھے امید ہے کہ آپ کو ہماری کوششیں پسند آئیں گی۔ میرا ایک ہی خواب ہے کہ اس جادوئی گیت کو دوبارہ تخلیق کروں اور اپنے انداز میں گائوں۔

انہوں نے مزید کہا کہ میری درخواست کو قبول کرنے اور ہم پر بھروسہ کرنے کے لیے کرن جوہر کا شکریہ، ہم آپ کے جادوئی گانے کے ساتھ انصاف کر سکتے ہیں۔