اقوام متحدہ کے سیکرٹری جنرل انتونیو گوتریس فلسطینیوں کے حق میں بیان دینے کے بعد دباؤ  پر اپنے بیان سے ہی مکر گئے۔

گزشتہ روز اقوام متحدہ سلامتی کونسل کے مشرق وسطیٰ پر ہونے والے سہ ماہی اجلاس سے خطاب کرتے ہوئے انتونیو گوتریس نے فلسطینیوں کے حق میں بیان دیتے ہوئے کہا تھا کہ حماس کے حملے خلا میں نہیں ہوئے، فلسطینیوں کو 56 سال حبس زدہ قبضے کا شکار بنایا گیا۔حماس حملوں کو فلسطینیوں کو اجتماعی سزا دینےکا جواز نہیں بنایا جاسکتا۔

 فلسطینیوں کی حمایت میں بیان دینے پر اسرائیل نے اقوام متحدہ کے سیکرٹری جنرل سے فوری  مستعفی ہونے کا مطالبہ کر دیا ، اس کے علاوہ اسرائیلی وزیرخارجہ ایلی کوہن نے انتونیو گوتریس سے ملاقات سے  انکار کر دیا، اس کے بعد انتونیو گوتریس فلسطینیوں کے حق میں بیان دینے کے بعد دباؤ پر اپنے بیان سے ہی مکر گئے۔

رپورٹس کے مطابق انتونیو گوتریس نے اپنے حالیہ بیان میں کہا کہ حماس حملوں کی توجیہہ دینے کا الزام غلط ہے،7 اکتوبر کو اسرائیل پر حماس کے حملوں کی مذمت کرتا ہوں، جان بوجھ کر شہریوں کو نشانہ بنانے، شہریوں کی ہلاکت اور اغوا کا کوئی جواز نہیں ہو سکتا۔

۔

اسرائیل اور فلسطین کی مزاحمتی تنظیم حماس کے درمیان ہونے والی کشیدگی کے بعد غزہ پر اسرائیلی بمباری کا سلسلہ جاری ہے اور 7 اکتوبر سے اب تک شہید ہونے والے فلسطینیوں کی تعداد 5800 سے تجاوز کر گئی ہے۔

غیرملکی میڈیا رپورٹس کے مطابق اسرائیلی فورسز نے ایک روز میں 182 بچوں سمیت 704 فلسطینیوں کو شہید کر دیا ہے، اسرائیلی فوج پناہ گزینوں کے کیمپوں کو بھی نشانہ بنا رہی ہے۔

اسرائیلی بمباری سے زخمی ہونے والے فلسطینیوں کی تعداد 15 ہزار سے زیادہ ہو چکی ہے اور غزہ میں اس وقت صورت حال انتہائی گھمبیر ہے۔

سیکریٹری جنرل اقوام متحدہ کی جانب سے جنگ بندی کی اپیل کے باوجود اسرائیل کی ہٹ دھرمی برقرار ہے اور دھمکی دی جا رہی ہے کہ کسی بھی وقت فلسطین پر زمینی فوج کے ذریعے حملہ کر دیا جائے گا۔

دوسری جانب حماس نے اسرائیلی فوج کو خبردار کر رکھا ہے کہ اگر زمینی حملہ کیا گیا تو آپ کی فوج کو نیست و نابود کر دیا جائے گا۔

اقوام متحدہ کے سیکرٹری جنرل انتونیو گوتریس کی جانب سے فلسطین کے مظلوم کی حمایت کرنے پر اسرائیل سیخ پا ہو گیا اور ان سے استعفیٰ دینے کا مطالبہ کر دیا ہے۔

غیرملکی میڈیا رپورٹس کے مطابق اسرائیل نے سیکرٹری جنرل اقوام متحدہ کے فلسطین کے حق میں بیان پر احتجاج کیا ہے۔

اسرائیلی وزیر خارجہ نے انتونیو گوتریس سے ملاقات کرنے سے انکار کر دیا ہے جبکہ اقوام متحدہ میں اسرائیلی مندوب نے مطالبہ کیا ہے کہ سیکریٹری جنرل اپنے عہدے سے استعفیٰ دیں۔

واضح رہے کہ سیکرٹری جنرل اقوام متحدہ نے اپنے خطاب میں فلسطین کے عوام کی حمایت کی تھی اور کہا تھا کہ بین الاقوامی انسانی حقوق کی خلاف ورزیاں روکی جائیں۔

اسرائیل اور فلسطین کی مزاحمتی تنظیم حماس کے درمیان کشیدگی کے بعد اسرائیلی فوج کی جانب سے غزہ پر بمباری کا سلسلہ جاری ہے، اور شہادتوں کی تعداد 5 ہزار سے تجاوز کر گئی ہے۔

غیرملکی میڈیا رپورٹس کے مطابق اسرائیلی حملوں میں مزید 436 فلسطینی شہید ہو گئے ہیں جن میں شامل بچوں کی تعداد 182 ہے۔7 اکتوبر سے اب تک 2 ہزار 55 بچے شہید ہو چکے ہیں۔

اسرائیلی فضائیہ نے غزہ کہ الشاتی کیمپ پر بمباری کی ہے جس کے نتیجے میں بچوں اور خواتین سمیت 436 فلسطینی شہید ہوئے۔

اس کے علاوہ اسرائیلی فورسز نے خان یونس میں بمباری کرتے ہوئے 23 افراد کو شہید کر دیا، الفلوجہ میں 17 اور دیر البلاح میں بھی 10 افراد کو شہید کیا گیا ہے۔

اسرائیلی فضائیہ کی جانب سے 3 مساجد پر بھی بمباری کی گئی ہے، حالیہ کشیدگی کے دوران اب تک 31 مساجد شہید ہو چکی ہیں۔

اسرائیل کی بمباری کے باعث غزہ میں صورتحال تشویشناک ہے، دوسری جانب اسرائیل کی ہٹ دھرمی برقرار ہے اور دھمکی دی گئی ہے کہ کسی بھی وقت غزہ پر زمینی حملہ کر دیں گے۔

سیکریٹری جنرل اقوام متحدہ انتونیوگوتریس نے مطالبہ کیا ہے کہ غزہ میں انسانی بنیادوں پر فوری جنگ بندی کی جائے۔

انتونیوگوتریس نے غزہ میں بلارکاوٹ امداد کی فراہمی کا اختیار دینے کا مطالبہ بھی کر دیا ہے۔

اس کے علاوہ فلسطین کی مزاحمتی تحریک حماس سے مطالبہ کیا گیا ہے کہ اسرائیلی یرغمالیوں کو فی الفور رہا کیا جائے۔

اس سے قبل اقوام متحدہ نے کہا تھا کہ اسرائیلی جارحیت کا شکار فلسطینیوں کے لیے فوری انسانی امداد ناگزیر ہے کیوں کہ وہاں پر پانی ختم ہو چکا ہے جس کی وجہ سے لوگ گندا پانی پینے پر مجبور ہیں۔

اقوام متحدہ کے مطابق غزہ میں یہی صورت حال جاری رہی تو لوگ آلودگی اور وبائی امراض سے موت کے منہ میں چلے جائیں گے۔

اِدھر اسرائیل کی بمباری سے متاثرہ علاقے غزہ میں امدادی سامان کے قافلے آج داخل ہونا شروع ہوں گے۔

پاکستان کی جانب سے بھی فلسطینی عوام کی مدد کے لیے امدادی سامان کی پہلی کھیپ مصر پہنچا دی گئی ہے جہاں سے غزہ کے متاثرہ لوگوں تک پہنچائی جائے گی۔

سیکریٹری جنرل اقوام متحدہ انتونیوگوتریس نے اسرائیل کے اس الٹی میٹم کو خطرناک اور تشویشناک قرار دیا ہے جس میں اسرائیل نے فلسطینیوں کو غزہ سے نکلنے کا کہا ہے۔

انتونیو گوتریس نے کہا ہے کہ اسرائیل کی جانب سے فلسطینیوں کو غزہ سے نکلنے کے الٹی میٹم کے تباہ کن انسانی اثرات مرتب ہو سکتے ہیں۔

انہوں نے کہا کہ غزہ کے متاثرہ علاقے پہلے ہی اسرائیلی محاصرے اور بمباری کی زد میں ہیں، اب اسرائیل کی جانب سے جو الٹی میٹم دیا گیا ہے یہ کم از کم 11 لاکھ فلسطینیوں پر لاگو ہو گا۔

سیکریٹری جنرل نے کہا کہ اس وقت جو صورتحال چل رہی ہے اس میں فلسطین کے متاثرین ایندھن، پانی اور خوراک جیسی بنیادی ضروریات سے بھی محروم ہیں۔

واضح رہے کہ اسرائیل نے فلسطینیوں کو الٹی میٹم دیا ہے کہ 24 گھنٹے میں غزہ خالی کر دیا جائے مگر فلسطینیوں نے اس الٹی میٹم کو یکسر مسترد کرتے ہوئے اپنی سرزمین پر ڈٹے رہنے کا اعلان کیا ہے۔

اسرائیل کی جانب سے غزہ پر چڑھائی کے بعد پیدا شدہ صورت حال پر روس میدان میں آ گیا ہے۔

روس کی جانب سے اسرائیل اور فلسطین کی لڑائی پر اقوام متحدہ کی سلامتی کونسل میں قرارداد کا مسودہ پیش کر دیا گیا ہے۔

روس نے اقوام متحدہ کی 15 رکنی سلامتی کونسل کے بندہ کمرہ اجلاس میں مسودہ پیش کیا ہے۔

روس نے سلامتی کونسل کے اجلاس میں جو مسودہ پیش کیا ہے اس میں کہا گیا ہے کہ انسانی بنیادوں پر جنگ بندی کی جائے۔ روس نے شہریوں پر تشدد اور ہر قسم کی دہشتگردی کی مذمت کا مطالبہ کیا ہے۔

روس کی جانب سے پیش کی گئی قرار داد کے مسودے میں یہ مطالبہ بھی کیا گیا ہے کہ یرغمالیوں کو رہا کیا جائے۔

انہوں نے زور دیا ہے کہ انسانی بنیادوں پر متاثرین کو امداد کی فراہمی اور شہریوں کے محفوظ انخلا کو یقینی بنانے کے لیے اقدامات کیے جائیں۔