آئی سی سی ون ڈے ورلڈکپ کے 28ویں میچ میں نیدر لینڈ  نے بنگلہ  دیش کو87 رنز سے شکست دے کر ورلڈ کپ سے باہر کردیا۔

230 رنز کے آسان ہدف کے تعاقب میں بنگلہ دیش کی پوری ٹیم43 ویں اوور میں 142 رنز پر ڈھیر ہوگئی

بنگلہ دیش کے اوپنر لٹن داس3 رنز، تنزید حسن15،مہدی حسن میراز35،نجم الحسین شانتو9،شکیب الحسن5 اور سینئربلے بازمشفیق الرحیم صرف ایک رن بناکر آؤٹ ہوگئے۔ محمود اللہ 20، مستفیض الرحمان20، مہدی حسن17 اور تسکین احمد11 رنز بناسکے۔

دونوں ٹیموں کے درمیان میچ کولکتہ کے ایڈن گارڈنز میں کھیلا جارہا ہے جہاں نیدرلینڈز کے کپتان اسکاٹ ایڈورڈز نے ٹاس جیت کر پہلے بیٹنگ کا فیصلہ کیا۔

نیدر لینڈ کی ٹیم مقررہ50 اوورز میں 229 رنزبناکر آئوٹ ہوگئی ، نیدر لینڈ کی طرف سے سکاٹ ایڈورڈ نے 68 رنز بنائے،ویزلی بیریسی نے41 اور سائبرینڈ نے35 رنز بنائے ۔

بنگلہ دیش کی طرف سے تسکین احمد،شریف الاسلام ، مستفیض الرحمان اور مہدی حسن نے دو وکٹیں  جبکہ شکیب الحسن  نے ایک ایک وکٹ حاصل کی ۔

اس ورلڈ کپ میں اب تک دونوں ٹیموں نے چھ ،چھ میچ کھیلے ہیں جن میں سے بنگلہ دیش کو پانچ میچز میں شکست ہوئی جبکہ نیدر لینڈ نے دو میچ جیتے اور چار میں اسے شکست ہوئی ۔

پانچ شکستوں کے بعد بنگلہ دیش کرکٹ ورلڈ کپ 2023 کی ٹرافی کی دوڑ سے باہر ہونےوالی پہلی ٹیم بن گئی ہے۔

پونے: بھارت میں جاری آئی سی سی کرکٹ ورلڈ کپ کے 17 ویں میچ میں  بھارت نے  بنگلہ دیش  کو سات وکٹوں سے شکست دے کر ایونٹ میں مسلسل چوتھی فتح اپنے نام کرلی،بنگلہ دیش نے بھارت کو جیت کے لئے 257 رنز کاہدف دیاتھا جس کے جواب میں بھارتی نے عمدہ بلے بازی کامظاہرہ کیا۔ بھارت کی طرف سے کپتان روہت شرما نے 48 رنز بنائے جن میں7 چوکے اور 2 چھکے شامل تھے، بھارتی اوپنر شبمن گل نے نصف سنچری سکور کی ، ان کی 53 رنز کی اننگز میں5 چوکے اور 2 چھکے شامل تھے۔ ویرات کوہلی نے 103 رنز بنائے اور آئوٹ نہیں ہوئے ، ان کی سنچری میں4 شاندار چھکے  اور6 چوکے شامل تھے، کوہلی نے سنچری کے لئے 97 گیندوں کاسامنا کیا، شہریاس  نے 19 رنز بنائے جبکہ کے ایل راہول 34 گینوں پر 34 رنز بنا کر ناٹ آؤٹ رہے۔ بھارت نے مطلوبہ ہدف 42 ویں اوورز میں ہی پورا کرلیا ۔
میچ میں بنگلہ دیش نے ٹاس جیت کر پہلے بیٹنگ کافیصلہ کیاتھا، بنگالی اوپنرز نے93 رنزکا عمدہ آغاز فراہم کیا تاہم 93 رنز پر تنزید حسن کے آئوٹ ہونے کے بعد بعد میں آنے والے بلے باز وکٹ پر جم کر نہ کھیل سکے۔
اوپنر تزید حسن نے 43 گیندوں پر5 چوکوں اور3 چھکوں کی مدد سے 51 رنز بنائے جبکہ دوسرے اوپنر لٹن داس بھی 66 رنز بناکر آئوٹ ہوئے ۔ دونوں اوپنرز کے علاوہ کوئی بھی بلے باز خاطرخواہ رنزنہ بنا سکا۔ مشفیق الرحیم 38 رنز بناکرآئوٹ ہوئے۔نجم الحسن 8، مہدی حسن میراز3 اور توحید ہردوئے 16رنز بناکر آئوٹ ہوگئے۔
محمود اللہ نے اختتامی اوورز میں عمدہ کھیل پیش کیا اور3 چھکوں،3 چوکوں کی مدد سے46 رنز بنائے۔
بنگلہ دیشی ٹیم آج کپتان شکیب الحسن اور فاسٹ بولر تسکین احمد کے بغیر میدان میں اتری تھی ۔