بھارتی کمپنی کی جانب سے اسرائیلی پولیس کو وردیوں کی سپلائی روک دی گئی ہے۔
بھارتی میڈیا کا بتانا ہے کہ کمپنی کی جانب سے یہ اعلان اسرائیل کی جانب سے فلسطین میں ڈھائے جانے والے مظالم پر اٹھایا گیا ہے۔
اسرائیلی پولیس کو وردیاں سپلائی کرنے والی کمپنی کے ایم ڈی نے اپنے ایک ویڈیو بیان میں کہا ہے کہ اسرائیل کی جانب سے فلسطین میں ہسپتالوں پر بمباری ناقابل قبول ہے، وردیاں روکنے کا فیصلہ اخلاقی بنیادوں پر کیا گیا ہے۔
کمپنی کے ایم ڈی نے کہا کہ فلسطین میں بچوں اور عورتوں کا بھی قتل عام کیا جا رہا ہے جسے قبول نہیں کیا جا سکتا۔
بھارتی کمپنی نے کہا ہے کہ غزہ کے عوام محصور ہیں اور انہیں خوراک سمیت پانی کی سپلائی بھی معطل کی گئی ہے، اس لیے اخلاقی بنیادوں پر ایک فیصلہ کیا گیا ہے۔
