اسرائیل اور فلسطین کے تنازع میں مظلوم فلسطینی عوام کے حق میں آواز بلند کرنے والوں کے سوشل میڈیا اکائونٹس بند کرنے کے بعد دھمکیوں کا سلسلہ بھی شروع ہو گیا ہے۔

پاکستان نژاد سابق برطانوی باکسر عامر خان کی اہلیہ فریال مخدوم کو فلسطین کے عوام کی حمایت پر سنگین دھمکیاں ملی ہیں۔

فریال مخدوم نے سوشل میڈیا ویب سائٹ انسٹاگرام پر بتایا ہے کہ انہیں نامعلوم اسرائیلی نمبر سے دھمکی آمیز پیغام بھیجا گیا ہے۔

دھمکی آمیز پیغام میں فریال کو کہا گیا ہے کہ فلسطینی عوام کی حمایت کرنا چھوڑ دو ورنہ سنگین نتائج بھگتنا ہوں گے۔

بھارت کی فلم انڈسٹری کو خیرباد کہنے والی سابق اداکارہ ثنا خان بھی فلسطین کے مظلوم عوام کی حمایت میں سامنے آ گئی ہیں۔

اسرائیلی فوج کی جانب سے فلسطین پر بمباری کے خلاف دنیا بھر کے فنکار آواز اٹھا رہے ہیں اور مطالبہ کیا جا رہا ہے کہ غزہ میں فوری جنگ بندی کی جائے۔

پاکستان، ترکیہ اور بھارت کے بھی کچھ اداکاروں نے فلسطین کے عوام کی حمایت کی ہے، بھارتی اداکار سونم کپور، سوارا بھاسگر اور گوہر خان نے غزہ میں جنگ بندی کا مطالبہ کیا مگر ثنا خان بالکل خاموش تھیں۔

ثنا خان کی خاموشی پر سوشل میڈیا صارفین نے انہیں تنقید کا نشانہ بنایا اور کہا کہ سابق اداکارہ کو بھارت کا ڈر ہے اور وہ سمجھتی ہیں کہ اگر کچھ بولا تو یوٹیوب چینل بند کر دیا جائے۔

اس ساری تنقید کے بعد ثناخان نے انسٹا گرام پر اسرائیلی فوج کی جانب سے فلسطین کے مظلوم عوام پر مظالم کی مذمت کی ہے۔

ثناخان نے لکھا میں فلسطین کے عوام کے ساتھ کھڑی ہوں، بے شرم لوگوں نے ہسپتال اور معصوم بچوں کو بھی نہیں بخشا۔

معروف پاکستانی اداکار عدنان صدیقی نے بھارت سے شکست کے باوجود قومی کرکٹ ٹیم کی حوصلہ افزائی کر دی ہے۔

سوشل میڈیا پر جاری اپنے ایک پیغام میں عدنان صدیقی نے کہا کہ ہماری ٹیم بھارتی شائقین کے سامنے مخالف ماحول میں کھیلی جس کا کریڈٹ اسے دینا چاہیے۔

عدنان صدیقی نے کہا کہ قومی ٹیم کی بھارت کے ہاتھوں شکست پر میرا دل بھی افسردہ ہے لیکن ہمیں چاہیے کہ اپنے کھلاڑیوں کی حوصلہ افزائی کریں۔

اداکار نے کہا کہ جیسا بھی ہے مگر ہم اپنی کرکٹ ٹیم سے محبت کرتے ہیں۔

واضح رہے کہ گزشتہ روز بھارت کے خلاف میچ میں پاکستانی ٹیم تمام شعبوں میں ناکام ہو گئی تھی اور بھارت نے میچ 7 وکٹوں سے جیت لیا تھا۔