دفاعی چیمپئن انگلینڈ ورلڈ کپ سے باپر
Tag Archives: ورلڈ کپ
کیویز تاریخ رقم نہ کرسکے،بنگلہ دیش ورلڈ کپ سے باہر
کیویز5 رنز کے فرق سے تاریخی فتح نہ سمیٹ سکے، سنسنی خیز مقابلے کے بعدآسٹریلیا کی چوتھی فتح
آئی سی سی ورلڈ کپ کے 27 ویں میچ میں آسٹریلیا نے سنسنی خیز مقابلے کے بعد نیوزی لینڈ کو5 رنز سے شکست دے دی ۔
آسٹریلیا نے پہلے بیٹنگ کرتے ہوئے نیوزی لینڈ کو میچ جیتنے کے لئے 389 رنز کاہدف دیا تھا جس کے جواب میں نیوزی لینڈ نے بھی شاندار بلے بازی کا مظاہرہ کیا اور9 وکٹوں کے نقصان پر383 رنز بنائے، نیشم نے اختتامی اوورز میں39 گیندوں پر58 رنز بنائے جن میں تین چوکے اور 3 چھکے شامل تھے تاہم آخری اوور میں رن ہونے کی وجہ سے وہ اپنی ٹیم کو ہاتھی آئی تاریخی فتح سے ہمکنار نہ کرسکے۔
نیوزی لینڈ کی طرف سے رویندرا نے شاندار سنچری سکور کی، وہ89 گیندوں پر116 رنز بناکر آؤٹ ہوئے ان کی اننگز میں9 چوکے اور 5 چھکے شامل تھے،مچل نے 54 او راوپنر کونوے نے 28، ویل یونگ نے32 رنز بنائے۔
ہماچل پردیش کے دھرم شالہ سٹیڈیم میں کھیلے جانے والے میچ میں نیوزی لینڈ نے ٹاس جیت کر آسٹریلیا کو پہلے بیٹنگ کی دعوت دی توآسٹریلوی اوپنرز نے کیویز بولرز کابھرکس نکالا اور اپنی ٹیم کو 175 رنز کا عمدہ آغاز فراہم کیا۔
ڈیوڈ وارنر نے ایک بار پھر شاندار اننگز کھیلی اور65 گیندوں پر5 چوکوں اور6 چھکوں کی مدد سے81 رنز بنائے۔
ٹریوس ہیڈ نے 67 گیندوں پر10 چوکوں اور7 چھکوں کی مدد سے109 رنز بنائے۔
کینگروز کی جانب سے مچل مارش 36، اسٹیون اسمتھ اور مارنوس لبوشین 18،18 اور گلین میکسویل 41 رنز بناکر آؤٹ ہوئے۔
جوش انگلس نے 38 رنز کی اننگز کھیلی ، کپتان پیٹ کمنز 37 پر آؤٹ ہوئے ۔ آسٹریلیا کی پوری ٹیم آخری اوور کی دوسری بال پر388 رنز بنا کرآؤٹ ہوگئی۔
نیوزی لینڈ کی جانب سے ٹرینٹ بولٹ اور گلین فلپس نے تین تین کھلاڑیوں کو آؤٹ کیا، مچیل سینٹنر نے 2 اور میٹ ہینری اور جیمز نیشم نے ایک ایک وکٹ حاصل کی۔
پاکستان کو مسلسل چوتھی شکست کا سامنا
پاکستان کو پہلی بارمسلسل چوتھی شکست، ناقص امپائرنگ اور خراب قوانین نے فتح پروٹیز کی جھولی میں ڈال دی
جنوبی افریقہ نے ورلڈ کپ کے انتہائی اہم میچ میں سنسنی خیز مقابلے کے بعد پاکستان کوایک وکٹ سے شکست دے کرپوائنٹس ٹیبل پر پہلی پوزیشن حاصل کرلی،1999 کے بعد ورلڈ کپ مقابلوں میں پروٹیز کی پاکستان کے خلاف یہ پہلی فتح ہے ۔
میگاایونٹ میں تاریخ میں پہلی بارمسلسل چوتھی شکست کے بعد پاکستان کے سیمی فائنل میں پہنچنے کے امکانات تقریباً معدوم ہوگئے ہیں
پروٹیز نے 271 رنز کاہدف48ویں اوورز میں9 وکٹوں کے نقصان پر حاصل کرلیا۔ اینڈن مارکرم نے ایک بار پھر اپنی ٹیم کے لئے عمدہ اننگز کھیلی وہ93 گیندوں پر91 رنز بناکرآئوٹ ہوئے۔
افریقی کپتان تیمبا باووما نے 28، کوئن ڈی کوک نے 24،دوسین نے21 اور کلاسن نے 12 رنز بنائے، ڈیوڈ ملر29 ،جانسین 20رنز بناکرآئوٹ ہوئے۔
پاکستانی ٹیم پہلے بیٹنگ کرتے ہوئے پورے اوور بھی نہ کھیل سکی اور 47 ویں اوور میں 270 رنز پر آئوٹ ہوگئی۔
پاکستان کی اوپننگ جوڑی ایک بار پھرناکام رہی، عبد اللہ شفیق 17 گیندوں پر 9 رنز بنا کر پویلین لوٹ گئے ،امام الحق بھی 18 گیندوں پر 12 رنز بنا کر کیچ دے بیٹھے۔
محمد رضوان 27 گیندوں پر31 اور افتخار احمد31 گیندوں پر21 رنز بناسکے ، کپتان بابراعظم بھی 65 گیندوں پر50 رنز بناکر کیچ آئوٹ ہو گئے۔
شاداب خان اور سعود شکیل نے چھٹی وکٹ کی شراکت میں84 رنز بنا کرسکور تک225 تک پہنچایا مگر اس موقع پر شاداب خان ایک غلط شارٹ کھیلتے ہوئے کیچ آئوٹ ہوگئے، شاداب نے 36 گیندوں پر43 رنز بنائے ۔
شاداب کے بعد سعودشکیل بھی زیادہ دیر وکٹ پر نہ ٹھہر سکے اور 52 گیندوں پر52 رنز بنا کرپویلین لوٹ گئے۔
شاہین آفریدی صرف 2 رنز بناسکے،نواز24 گیندوں پر24 رنز کر ایک ایسے موقع پر آئوٹ ہوگئے جب ٹیم کو ان کی سخت ضرورت تھی۔
جنوبی افریقا کے ہاتھوں شکست کے بعد پاکستان کا سیمی فائنل میں پہنچنا کافی مشکل ہوگیا،گرین شرٹس نے اب تک 6 میچز کھیلے ہیں اور اسے 4 میں ناکامی کا سامنا کرنا پڑا ہے۔
پاکستان کے ابھی 3 میچز باقی ہیں، گرین شرٹس کے سیمی فائنل میں پہنچنے کے لیے قومی ٹیم کو اپنے بقیہ میچز جیتنے کے ساتھ دوسری ٹیموں پر بھی انحصار کرنا ہوگا۔
مینز ون ڈے ورلڈکپ کی تاریخ میں پہلی بار پاکستان کو ایک ورلڈکپ میں مسلسل 4 میچز میں شکست ہوئی ہے۔
رواں ورلڈکپ میں پاکستان نے نیدرلینڈز اور سری لنکا کے خلاف کامیابی حاصل کی لیکن پھر بھارت، آسٹریلیا ، افغانستان اور اب جنوبی افریقا سے شکست ہوئی ہے۔
بہت افسوس ہے انتہائی قریب پہنچ کر نہ جیت سکے،بابراعظم
میچ کے بعد میڈیا سے گفتگو کرتے ہوئے بابر اعظم نے کہا کہ ہم نے جیتنے کا اچھا موقع گنوا دیا جو کہ انتہائی مایوس کن اور قابل افسوس ہے کیونکہ ہم قریب پہنچنے کے باوجود بھی میچ میں فتح حاصل نہیں کرسکے۔
انہوں نے کہا کہ آج ہمارے بولرز نے زبردست مقابلہ کیا مگر افسوس کے قریب پہنچنے کے باوجود میچ ہمارے حق میں نہیں رہا، آئندہ تین میچز میں بہتر کھیل پیش کرنے کی کوشش کریں گے۔
بابر اعظم نے شکست کی وجہ بیان کرتے ہوئے کہا کہ جہاں ہم نے موقع گنوایا وہیں جنوبی افریقا کے کھلاڑی تبریز شمسی نے کنڈیشن کا فائدہ اٹھایا اور اُسی حساب سے بولنگ کی
پاکستان ناقص امپائرنگ اور خراب قوانین کی وجہ سے ہارا
سوشل میڈیا صارفین کی بڑی تعداد امپائرنگ کو پاکستان کی شکست کی وجہ سمجھ رہے ہیں۔ 46 ویں اوور کی آخری گیند پر تبریز شمسی
کے پیڈز پر جب گیند لگی تو آن فیلڈ امپائر نے آؤٹ نہ دیا جس کے نتیجے میں پاکستان کو ریویو لینا پڑا
ری ویو میں نظر آیا کہ حارث رؤف کی گیند تبریز شمی کے پیڈز پر لگی اور گیند تیسرے سٹمپ پر ہِٹ ہو رہی تھی لیکن چونکہ آن فیلڈ امپائر پہلے جنوبی افریقی کھلاڑی کو ناٹ آؤٹ دے چکے تھے اس لیے یہ فیصلہ جنوبی افریقہ کے حق میں گیا۔
لاچار انگلینڈ، سری لنکا کے سامنے بھی ڈھیر
پاکستان اور جنوبی افریقہ کی ٹیمیں آج آمنے سامنے ہوں گی
چنئی:پاکستان آئی سی سی کرکٹ ورلڈ کپ کے انتہائی اہم میچ میں آج جنوبی افریقہ کے خلاف میدان میں اترے گا۔ یہ میگا ایونٹ کا 26واں میچ ہوگا جو دن 1 بجکر 30 منٹ پر شروع ہوگا۔
پاکستان کی ٹیم میگا ایونٹ میں اپنا چھٹا میچ کھیلے گی،پاکستانی ٹیم میں حسن علی کی جگہ وسیم جونیئر اور امام الحق کی جگہ فخر زمان کو موقع دیا جاسکتاہے۔
میگا ایونٹ میں پاکستان اور جنوبی افریقا کی ٹیمیں پانچ ، پانچ میچ کھیل چکی ہیں جن میں پاکستان کی ٹیم دو میچز جیت چکی ہے اور تین میں اس کو شکست کا سامنا کرنا پڑا تھا ۔
جنوبی افریقا کی ٹیم بھی پانچ میچ کھیل چکی ہے اور اس کو چار میچ میں فتح اور ایک میں شکست ہوئی تھی۔
پاکستان کو سیمی فائنل تک رسائی کے لئے جنوبی افریقہ کے خلاف لازمی فتح درکارہے
ون ڈے ورلڈ کپ میں جنوبی افریقہ کی پاکستان کے خلاف آخری جیت 1999 میں ہوئی تھی لیکن اس بار پروٹیز مضبوط فیورٹ ہیں۔
دفاعی چیمپئن انگلینڈ کو ایک اور بدترین شسکت، سری لنکا سیمی فائنل کی دوڑ میں شامل،پاکستان سے پانچویں پوزیشن چھین لی
سری لنکا نے دفاعی چیمپئن انگلینڈ کو بدترین شکست سے دوچار کر کے سیمی فائنل کی دوڑ میں واپسی کرلی۔
بھارت میں جاری آئی سی سی ون ڈے ورلڈ کپ 2023 کے 25ویں میچ میں دفاعی چیمپئن انگلینڈ سری لنکن بولنگ لائن کے سامنے ریت کی دیوار ثابت ہوئی اور156 رنز پر پوری ٹیم ڈھیر ہو گئی۔
157 رنز کے ہدف کے تعاقب میں سری لنکا کی ابتدائی دو وکٹیں بھی جلدی گرگئی تھیں تاہم نیسانکا اور سمارا وکرما کی ذمہ دارانہ اننگز نے سری لنکا کو ایونٹ میں دوسری فتح سے ہمکنار کرادیا، نیسانکا نے 77 رنز بنائے جبکہ سمارا وکرما نے 65 رنز کی اننگز کھیلی اور دونوں ناقابل شکست رہے، سری لنکا نے 26 ویں اوور میں ہدف حاصل کرتے ہوئے انگلینڈ کو 8 وکٹوں سے شکست دی۔
ایونٹ میں دوسری فتح کے ساتھ سری لنکا نے پوائنٹس ٹیبل پر پاکستان سے پانچویں پوزیشن چھین لی ہے۔
بنگلورو میں کھیلے جانے والے میچ میں انگلینڈ نے ٹاس جیت کر پہلے بیٹنگ کا فیصلہ کیا ۔ سری لنکن بولرز نے ابتدا سے ہی انگلش بلے بازوں کو دبائو میں رکھا۔
45 رنز کی اوپننگ پارٹنر شپ کے بعد انگلش ٹیم کی وکٹیں گرنا شروع ہوئیں اور85 سکور پر آدھی ٹیم پویلین جا چکی تھی۔
جونی بیرسٹو30 اور ڈیوڈ میلان 28 رنز بنا سکے۔ جوئے روٹ 3، بٹلر8، لیونگسٹن1،معین علی15 رنز بناکرآئوٹ ہوگئے،کرکس ووکس بغیر کوئی رن بنائے ہی آئوٹ ہوگئے، بین سٹوکس بھی 43 رنز بنا کر ٹیم کا ساتھ چھوڑ گئے۔
سری لنکا کی جانب سے لاہیرو کمارا نے 2، کاسون راجیھیتا اور انجیلو میتھیوز نے 1, 1 وکٹ حاصل کی جب کہ ایک کھلاڑی رن آؤٹ ہوا۔
پوائنٹس ٹیبل پر ٹیموں کی پوزیشن
بنگلورو کرکٹ اسٹیڈیم میں جمعرات کو کھیلے گئے آئی سی سی ورلڈ کپ کے 25 ویں میچ میں دفاعی چیمپئن انگلینڈ کو 8 وکٹوں سے شکست دے کر سری لنکا پوائنٹس ٹیبل میں پانچویں پوزیشن پر پہنچ گیا جبکہ پاکستان پانچویں سے چھٹے نمبر پر چلا گیاہے۔
پوائنٹس ٹیبل پر بھارت 10 پوائنٹس کے ساتھ سرفہرست ہے، جنوبی افریقا 8 پوائنٹس اور +2.370 کے نیٹ رن ریٹ کے ساتھ دوسرے، نیوزی لینڈ 8 پوائنٹس اور +1.481 کے نیٹ رن ریٹ کے ساتھ تیسرے جبکہ آسٹریلیا 6 پوائنٹس کے ساتھ چوتھے نمبر پر ہے۔
سری لنکا 4 پوائنٹس اور 0.205- کے نیٹ رن ریٹ کے ساتھ پانچویں اور پاکستان 4 پوائنٹس 0.400- نیٹ رن ریٹ کے ساتھ چھٹے نمبر پر چلا گیا ہے۔ افغانستان ساتویں، بنگلا دیش آٹھویں، انگلینڈ نویں اور نیدرلینڈز دسویں نمبر پر ہے۔
انگلینڈ ورلڈ کپ 2023 میں صرف ایک میچ جیتنے میں کامیاب ہوسکا ہے۔ لیگ مرحلے میں چار شکستوں کے بعد انگلینڈ کی سیمی فائنل میں پہنچنے کی امیدیں کافی حد تک ختم ہوگئی ہیں
ہمت نہیں ہارنی،ہم کم بیک کرتے ہیں تو ٹاپ پر جاتے ہیں،بابر اعظم کی ٹیم سے گفتگو
پاکستان کی قومی کرکٹ ٹیم کے کپتان بابراعظم نے آئی سی سی ورلڈ کپ میں مسلسل تین شکستوں کے باوجود ہمت نہیں ہاری اور ٹیم کا حوصلہ بھی بڑھاتے نظرآرہے ہیں۔
پاکستان کرکٹ بورڈ (پی سی بی ) کے سوشل میڈیا اکاؤنٹ ایکس اکاؤنٹ پر کھلاڑیوں کی پریکٹس کرتے ہوئے ایک ویڈیو شیئر کی گئی ہے، ویڈیو میں کپتان بابر اعظم کی پریکٹس کے دوران کھلاڑیوں سے گفتگو او ر ان کی حوصلہ افزائی کو سنا جا سکتا ہے۔
Preparations 🔛 for the next encounter 🏏
📹 WATCH 👉 https://t.co/5WUn37T10x#CWC23 | #DattKePakistani | #PAKvSA pic.twitter.com/x4CJ77wd2Y
— Pakistan Cricket (@TheRealPCB) October 26, 2023
بابر اعظم نے کھلاڑیوں سے کہا کہ ہم لوگ کئی بار کم بیک کرچکے ہیں اور جب ہم کم بیک کرتے ہیں تو سیدھا ٹاپ پر جاتے ہیں،آپ لوگوں نے ہمت نہیں ہارنی ،تمام کھلاڑی وہ وقت یاد رکھیں کہ جب ہم نیچے سے اوپر اٹھے ہیں۔
انھوں نے کہا کہ ایک دوسرے کے ساتھ رہیں گے تو آسانی ہوگی، ہمیں ایک دوسرے سےکندھے سے کندھا ملا کر چلنا ہے ۔
خیال رہے کہ 23 اکتوبر کو ورلڈ کپ کے میچ میں افغانستان نے پاکستان کو پہلی بار ون ڈے میں شکست دی تھی، پاکستان اپنا اگلا میچ کل 27 اکتوبر کو چنئی میں جنوبی افریقا کے خلاف کھیلے گا۔
گرین شرٹس کو سیمی فائنل تک رسائی کے لئے پروٹیز کے خلاف لازمی فتح درکار
آئی سی سی ورلڈکپ میں پاکستان اور جنوبی افریقہ کی ٹیمیں کل 27 اکتوبر کوآمنے سامنے آئیں گی۔
پاکستان کو سیمی فائنل تک رسائی کے لئے اگلے چاروں میچزمیں لازمی فتح درکار ہے۔
دونوں ٹیمیں چنئی کے چدم برم اسٹیڈیم میں مدمقابل آئیں گی
بھارت اور آسٹریلیا کے بعد افغانستان کے ہاتھوں شکست نے گرین شرٹس کے سیمی فائنل تک پہنچنے کے امکانات کو شدید دھچکا پہنچایا ہے۔
پاکستان کے پاس پروٹیز کو ہرانے اور سیمی فائنل میں پہنچنے کی امیدیں برقرار رکھنے کا یہ آخری موقع ہے۔
ورلڈ کپ مقابلوں میں پاکستان اور جنوبی افریقا کی ٹیمیں 5 بار ایک دوسرے کے مدمقابل آئی ہیں جہاں پروٹیز کا پلڑا بھاری ہے۔ انہوں نے 3 میچز میں کامیابی حاصل کی جبکہ پاکستان محض 2 فتوحات حاصل کرسکا۔
آخری بار دونوں ٹیمیں 2015 اور 2019 میں آمنے سامنے آئیں اور دونوں مرتبہ ہی پاکستان فاتح رہا۔
فواداحمد سے اظہار ہمدردی پر آسٹریلوی ٹیم کی تعریفیں
آسٹریلوی کرکٹ ٹیم کوسابق سپنر فواد احمد سے اظہار ہمدردی پردنیا بھر سے داد مل رہی ہے۔
بھارت میں جاری کرکٹ ورلڈ کپ کے دوران آسٹریلوی ٹیم نے نیدر لینڈ کے خلاف میچ کے دوران بازوؤں پر سیاہ پٹیاں باندھ رکھی تھیں ۔
آسٹریلوی کرکٹ بورڈ نے سیاہ پٹی باندھنے کی وضاحت کرتے ہوئے بتایا کہ گزشتہ دنوں سابق آسٹریلوی اسپنر فواد احمد کے بیٹے کا انتقال ہو گیا تھا۔
بیان میں مزید کہا گیا کہ آسٹریلوی کرکٹ کمیونٹی کی ہمدردیاں اس مشکل وقت میں فواد احمد اور ان کے اہل خانہ کے ساتھ ہیں۔
آسٹریلوی ٹیم کی طرف سے سابق سپنر کے ساتھ اظہار ہمدردی کو دنیا بھرسے شائقین کرکٹ اور سوشل میڈیا صارفین کی جانب سے سراہا جارہا ہے ۔
واضح رہے کہ آسٹریلوی کرکٹر فواد احمد نے23 اکتوبر کواپنے بیٹے کی موت کی اطلاع دی تھی ۔
قومی کرکٹ ٹیم کی ناقص کارکردگی، شاہد آفریدی کا بابراعظم پر طنز
پاکستان کرکٹ ٹیم کے سابق کپتان شاہد آفریدی نے ورلڈ کپ کے دوران قومی ٹیم کی ناقص کارکردگی پر تنقید کی ہے۔
نجی ٹی وی سے گفتگو کرتے ہوئے شاہد آفریدی نے کہا ہے جب کپتان میدان میں کچھ اچھا کرنے کی کوشش کرتا ہے تو پھر کھلاڑی اسے 200 فیصد دیتے ہیں۔
سابق کپتان نے ورلڈ کپ کے دوران قومی ٹیم کی فیلڈنگ پر تنقید کرتے ہوئے کہا کہ کپتان میچ میں متحرک ہو تو دیگر کھلاڑیوں کو شرم آتی ہے کہ ہم بھی ایسا کریں۔
شاہد آفریدی نے ماضی کی مثال دی کہ میں اپنی کپتانی کے دوران جب کھلاڑیوں کی سپورٹ کرتا تھا تو ٹیم چارج ہو جاتی تھی۔
انہوں نے نام لیے بغیر بابر اعظم پر طنز کرتے ہوئے کہا کہ پاکستانی ٹیم کی کپتانی کرنا کوئی مذاق نہیں ہے، اچھا کریں گے تو ہر کوئی تعریف کرے گا لیکن برا کرنے پر تنقید بھی ہوتی ہے۔
