انگلینڈ کی کرکٹ ٹیم کے سابق کپتان ناصر حسین نے ورلڈ کپ کے میچ میں 229 رنز سے شکست پر اپنی ٹیم کو آڑے ہاتھوں لیا ہے۔

جنوبی افریقا کے ہاتھوں انگلینڈ ٹیم کو شکست پر ناصر حسین نے کہا کہ ٹاس جیت کر بولنگ کرنے کا فیصلہ غلط تھا اس کے علاوہ ٹیم میں جو 3 تبدیلیاں کی گئیں وہ بھی نہیں ہونے چاہیے تھیں۔

ان کا کہنا تھا کہ پلیئنگ الیون میں جو تبدیلیاں کی گئیں ان کی وجہ سے سب کچھ ہی بدل کر رہ گیا۔

ناصر حسین نے ٹیم کو تنقید کا نشانہ بناتے ہوئے کہا کہ انگلینڈ ٹیم میں اعتماد نظر نہیں آ رہا، اب ایونٹ میں 3 شکستوں کے بعد کیسے واپسی ہو سکتی ہے۔

قومی کرکٹ ٹیم کے سابق کپتان شاہد آفریدی نے بھارتی شائقین کو مشورہ دیا ہے کہ پاکستان سے اگلا میچ ہونے تک آپ ضرور جشن منائیں۔

سابق کپتان شاہد آفریدی نے سماجی رابطے کی ویب سائٹ ایکس پر اپنے ایک بیان میں لکھا کہ ہماری ٹیم میں کوئی کمی نہیں صرف ان کو فائٹ دکھانے کی ضرورت ہے۔

شاہد آفریدی نے کہا کہ کرکٹرز قوم کے مقروض ہیں کہ وہ بھرپور فائٹ کا مظاہرہ کریں مگر مجھے اپنے لڑکوں میں ایسا دکھائی نہیں دیا۔

سابق قومی کپتان نے بھارت کو پاکستان کے خلاف میچ جیتنے پر مبارکباد پیش کی اور لکھا کہ ہندوستان کی ٹیم نے تمام شعبوں میں بھرپور کارکردگی دکھائی جس پر ان کو مبارکباد پیش کرتا ہوں۔

واضح رہے کہ پاکستانی کرکٹ ٹیم کو گزشتہ روز بھارت کے خلاف میچ میں شکست کا سامنا کرنا پڑا تھا۔