عالمی شہرت یافتہ فٹبالر کرسٹیانو رونالڈوکی طرف سے بالی ووڈ سٹار سلمان خان کو نظر انداز کرنے کی ویڈیو دنیا بھر میں وائرل ہوگئی۔
سلمان خان نے حال ہی میں سعودی عرب کا دورہ کیا تھا جہاں اُنہوں نے ٹائسن فیوری اور فرانسس نگانو کے درمیان ہونے والا باکسنگ میچ دیکھا۔
اس میچ کی مختلف ویڈیو کلپس سوشل میڈیا پر وائرل ہورہی ہیں۔

Hahaha! I loved the way Ronaldo ignored Salman Khan. Is Tiger Zinda Hai after this? pic.twitter.com/14NRMjfoiM

— Wajahat Kazmi (@KazmiWajahat) October 30, 2023

ایک ویڈیو میں دیکھا جاسکتا ہے کہ بالی ووڈ اسٹار سلمان خان لیجنڈ فٹبالر کرسٹیانو رونالڈو کو دیکھ رہے ہیں لیکن رونالڈوسلمان خان کو نظر انداز کرتے ہوئے وہاں سے گُزر جاتے ہیں۔
یہ ویڈیو جیسے ہی سوشل میڈیا پر وائرل ہوئی تو صارفین نے سلمان خان کی شہرت پر میمز کا ایک نہ ختم ہونے والا سلسلہ شروع ہو گیا
کسی نے پوچھا کیا اب بھی ٹائیگر زندہ ہے؟
کسی نے شیرافضل مروت کی زبان میں کہا کہ ٹائیگر تو۔۔۔گیا‘‘
بعض صارفین سلمان خان پرذاتی حملے کرتے ہوئے بھی نظرآئے،

ایک صارف نے کہا کہ ’’رونالڈو اور میسی جیسے لوگوں کو معلوم بھی نہیں ہوگا کہ سلمان اور شاہ رخ خان جیسے لوگ بھی دُنیا میں ہیں‘‘۔

بھارتی فلم انڈسٹری بالی وڈ کے سپر اسٹار سلمان خان اور ممتاز اداکارہ کترینہ کیف کی نئی فلم ’ٹائیگر 3‘ کا پہلا گانا ریلیز ہو گیا ہے جسے پسند کیا جا رہا ہے۔

بالی وڈ اسٹار سلمان خان نے سماجی رابطے کی ویب سائٹ ایکس پر پر اپنی فلم کے گانے کی ویڈیو شیئر کی جو وائرل ہو رہی ہے۔

سلمان خان نے گانا شیئر کرتے ہوئے کیپشن میں لکھا کہ امید ہے ہماری آنے والی فلم کا گانا آپ سب کو بہت پسند آئے گا۔

ٹائیگر 3 کے لیے یہ گانا معروف بھارتی گلوکار ارجیت سنگھ نے گایا ہے۔

گانے کی ویڈیو جونہی سوشل میڈیا پر وائرل ہو ئی تو مداحوں نے دلچسپ تبصرے شروع کر دیے، سلمان خان اور ارجیت سنگھ کی بے حد تعریف کی جا رہی ہے۔

بھارتی فلم انڈسٹری پر راج کرنے والے بالی وڈ اسٹار سلمان خان کی میگا تھرلر فلم ٹائیگر 3 کے پہلے گانے کا ٹیزر جاری کر دیا گیا ہے۔

بالی وڈ اسٹار سلمان خان نے فلم ٹائیگر 3 میں جاسوس ایجنٹ کا کردار ادا کیا ہے، اداکار کی جانب سے اپنے آفیشل انسٹاگرام پر فلم کے گانے ’لے کے پرابھو کا نام‘ کا ٹیزر پوسٹ کیا گیا ہے۔

سلمان خان نے ٹیزر پوسٹ کرتے ہوئے لکھا کہ ایک چھوٹی سی جھلک دیکھ لیں، ٹائیگر اور زویا پارٹی کے لیے تیار ہیں۔

فلم کے لیے گانا بالی ووڈ کے معروف گلوکار ارجیت سنگھ نے گایا ہے، ان کی جانب سے 9 سال بعد سلمان خان کی کسی فلم میں گلوکاری کی گئی ہے۔

مداح ٹائیگر 3 میں ارجیت سنگھ کی گلوکاری کی خبر سن کر بے حد خوش ہیں کیوں کہ ان کو کئی سالوں سے انتظار تھا کہ دونوں فنکاروں کی صلح کب ہو گی۔

ممبئی (این این آئی) بالی ووڈ کے سپرسٹار سلمان خان نوے کی دہائی سے لیکر اب تک کئی فلموں میں بہترین اداکاری کرچکے ہیں،انکے مداحوں کو انکی ہر نئی آنے والی فلم کا بے صبری سے انتظار ہوتا ہے۔

سلمان خان نے اپنے انسٹاگرام اکاؤنٹ پر ”ٹائیگر 3” کا نیا پوسٹر جاری کیا۔ اس تصویر میں سلمان خان ہاتھ میں بندوق لیے بیٹھے ہیں۔جس میں انہوں نے جیکٹ، کالی پینٹ، اور گلے میں سفید اور سیاہ اسکارف پہن رکھا ہے۔

فلم میں وہ اویناش سنگھ راٹھور عرف ٹائیگر کا کردار ادا کریں گے۔بالی وڈ کے دبنگ اداکار سلمان خان اپنی نئے فلم ‘ٹائیگر3’ کی کہانی میں بھی پاکستان آئیں گے۔

ذرائع کے مطابق نئی ایکشن تھرلر فلم میں سلمان خان اور عمران ہاشمی پاکستانی اور انڈین خفیہ ایجنٹوں کا کردار ادا کریں گے اورشائقین کو ایکشن سے بھرپور مناظر دیکھنے کو ملیں گے۔

منیش شرما کی ہدایت کاری میں بننے والی فلم 10 نومبر کو ریلیز کیلئے پیش کیا جائے گی۔فلم میں شاہ رخ خان بھی ایک کومیو جھلک دیں گے۔

بالی ووڈ کے معروف اسٹار سلمان خان کی ایک ڈانس ویڈیو سامنے آنے کے بعد ان کے مداحوں کو پریشانی لاحق ہو گئی ہے۔

سلمان خان نے ایک بھارتی صنعتکار کے پوتے کی سالگرہ میں ڈانس کی ہے جس میں تھکے ہوئے نظر آ رہے ہیں اور ڈانس میں خوبصورتی نظر نہیں آئی جس کے لیے وہ مشہور ہیں۔

ویڈیو سوشل میڈیا پر وائرل ہونے کے بعد سلمان خان کے مداحوں کو ان کی صحت کے حوالے سے تشویش لاحق ہوگئی ہے اور ان کو اپنا خیال رکھنے کا مشورہ دیا جا رہا ہے۔

ایک چاہنے والے نے سوشل میڈیا پر سلمان خان کو مشورہ دیا کہ کام سے بریک لیں، آپ کو اپنی صحت پر توجہ دینی چاہیے۔

ایک اور فین نے کہاکہ آپ تھکے ہوئے لگ رہے ہیں۔ مداحوں نے جہاں سلمان خان کو صحت کا خیال رکھنے کا مشورہ دیا ہے وہیں یہ امید بھی ظاہر کی ہے کہ وہ جلد اپنی پرانی فارم میں نظر آئیں گے۔