بھارتی فلم انڈسٹری بالی وڈ کے کنگ شاہ رخ خان کی نئی میگا فلم ڈنکی کی ریلیز کی تاریخ تبدیل ہو گئی ہے۔ فلم کو اب 21 دسمبر کو دنیا بھر میں سینما گھروں میں پیش کیا جائے گا۔

فلم کی تاریخ کے لیے 22 دسمبر کی تاریخ سامنے آئی تھی لیکن ایک اور فلم سالار کی ریلیز کی بھی یہی تاریخ ہونے کی وجہ سے اب 21 دسمبر کا دن فلم کی ریلیز کے لیے رکھا گیا ہے۔

ڈنکی کو سالار سے ایک دن پہلے ریلیز کرنے کا مقصد یہ ہے کہ نئی فلم کی ریلیز سے قبل ڈنکی مکمل طور پر فلم انڈسٹری پر راج کرے۔

تجزیہ کاروں کا کہنا ہے کہ شاہ رخ خان معروف اداکار ہیں، ان کی وجہ سے فلم ایک دن میں ہی مقبول ہو جائے گی۔

کراچی (این این آئی) پاکستان کے نامور اداکار فیصل قریشی نے بالی وڈ میں کام نہ کرنے کی وجہ بالی وڈ کا پاکستان مخالف پروپیگنڈہ قرار دیا ہے۔

حال ہی میں اداکار فیصل قریشی فریحہ الطاف کے پوڈکاسٹ میں شریک ہوئے جس دوران میزبان نے ان سے بالی وڈ میں کام نہ کرنے کی وجہ پوچھی؟ اس کے جواب میں اداکار نے بتایا کہ ‘بالی وڈ سے میری بنتی نہیں ہے کیوں کہ میرے دل میں جو ہے میں اس کا اظہار کردیتا ہوں، میری اسی عادت کی وجہ سے میرے بھارتی مداح مجھ سے ناراض بھی ہوجاتے ہیں۔

فیصل قریشی نے کہا کہ اگر اس وقت کسی بھی اداکار کو بھارت میں اپنی فلم ہٹ کرنی ہے تو پاکستان کو گالی دینا ہوگی، شاہ رخ خان کی فلموں کو پاکستان میں ہر طرح سے سپورٹ ملا لیکن پھر شاہ رخ خان نے بھی وہی کیا۔

اداکار نے مزید کہا کہ بھارت میں فلمز ہٹ کرنے کیلئے پاکستان کو گندا کریں آپ آئی ایس آئی کو گندا کریں، یہی وہ چیزیں ہیں جن سے کوئی اداکار بھارت میں نام کما سکتا ہے لیکن یہ سب چیزیں دیکھ کر تکلیف ہوتی ہے۔

فیصل قریشی کا کہنا تھا کہ ‘جو سلوک بھارت میں بلاول بھٹو زرداری کے ساتھ ہوا پاکستان میں ایسے کسی بھارتی کے ساتھ سلوک کا کوئی واقعہ نہیں ملے گا کیوں کہ پاکستانی گھر آنے والے کیلئے دل کھول دیتے ہیں۔

بھارتی فلم انڈسٹری بالی وڈ میں کنگ خان کے نام سے جانے جانے والے شاہ رخ خان کی فلم ’ڈنکی‘ اور بھارتی اداکار پرابھاس کی فلم ’سالار‘ ایک ساتھ ریلیز ہونے جا رہی ہیں اور اس سے قبل بھارتی میڈیا پر دونوں فلموں کے خوب چرچے ہیں۔

بالی وڈ کنگ شاہ رخ خان کی فلم ڈنکی کی ریلیز کے لیے 22 دسمبر کی تاریخی دی گئی تھی جس کے بعد پرابھاس کی فلم کی ریلیز کے لیے بھی یہی تاریخ رکھی گئی ہے۔

دونوں فلمیں 22 دسمبر کو بھارتی سینما گھروں کی زینت بنیں گی اور مداح اس سے قبل بہت پر جوش ہیں۔

بھارتی اداکار پرابھاس نے اپنی فلم کی ریلیز سے قبل اپنا انسٹا گرام اکائونٹ ڈیلیٹ کر دیا ہے جس کے بعد ایک نئی بحث کا آغاز ہو گیا ہے۔

پرابھاس کے انسٹا گرام اکائونٹ ڈیلیٹ کرنے پر کچھ لوگوں کا خیال ہے کہ شاید اداکار کا اکائونٹ ہیک ہو گیا ہے جبکہ کچھ دیگر یہ بھی سمجھتے ہیں کہ اداکار نے شاہ رخ خان کی فلم ڈنکی سے ٹکراؤ کے خوف کی وجہ سے اپنا انسٹاگرام اکاؤنٹ خود ختم کیا ہے۔

بھارتی فلم انڈسٹری بالی وڈ کے سپر اسٹار شاہ رخ خان 3 دہائیوں سے انڈسٹری پر راج کر رہے ہیں، رومانٹک ہیرو کی حیثیت سے پہچانے جانے والے شاہ رخ خان نے اب ایکشن ہیرو کے طور پر بھی اپنی پہچان بنا لی ہے اور یہ اچانک سے ہوا ہے۔

حال ہی میں ان کی جو فلمیں ریلیز ہوئی ہیں ان میں پٹھان اور جوان نے کئی ریکارڈ توڑ ڈالے ہیں۔ اور انہی فلموں نے ان کو ایک نئی پہچان بھی دی ہے۔

شاہ رخ خان نے 2006 میں فلم ڈان اور 2017 میں رئیس میں بھی ایکشن ہیرو کا کردار ادا کیا تھا مگر اس سے انہیں بطور ایکشن ہیرو پہچان نہیں مل سکی تھی۔

اب حال ہی میں ریلیز ہونے والی دو فلموں پٹھان اور جوان نے بالی وڈ اسٹار شاہ رخ خان کو بطور ایکشن ہیرو ایک نئی پہچان دے دی ہے۔

فلم نقاد انوپما چوپڑا کہتی ہیں کہ اب شاہ رخ خان کے کیریئر کا ایک نیا دور شروع ہو گیا ہے، شاہ رخ خان کی ماضی میں جو شخصیت تھی اب وہ اس سے بالکل مختلف نظر آئیں گے۔