کراچی میں بارش اور تیز ہواؤں کے باعث فلائی جناح کا طیارہ حادثے سے بال بال بچا، طیارے میں گورنر سندھ کامران ٹیسوری سمیت دیگر مسافر سوار تھے جو سب کے سب محفوظ رہے۔

میڈیا رپورٹس کے مطابق فلائی جناح کا طیارہ بارش اور تیز ہواؤں کے باعث ایئرپورٹ کے رن وے کو چھونے کے بعد دوبارہ فضا میں بلند ہو گیا، پائلٹ نے اپنی مہارت سے طیارے کو بحفاظت رن وے پر اتار لیا۔

طیارے سے اترنے کے بعد گفتگو کرتے ہوئے گورنر سندھ کامران ٹیسوری نے کہا کہ طیارہ حادثے سے محفوظ رہا اور ہم سب کو اللہ پاک نے نئی زندگی عطا کی ہے۔

کامران ٹیسوری کا کہنا تھا کہ تمام مسافروں نے اللہ کے حضور سجدہ شکر بجا لایا ہے۔