حماس کی حمایت کرنے پر اسرائیلی عدالت نےعرب اسرائیلی اداکارہ مائیسہ عبدل ہادی پر فرد جرم عائد کردی ۔

 اداکارہ مائیسہ عبدل ہادی نے7 اکتوبر کو سوشل میڈیا پر حماس کے اسرائیل پر اچانک حملے کی حمایت کی تھی۔ پوسٹ کے بعد اسرائیلی پولیس نے اُنہیں گرفتار کرلیا تھا۔ تاہم، اب اداکارہ پر اسرائیلی عدالت کی جانب سے فرد جرم عائد کی گئی ہے۔

رپورٹ کے مطابق اسرائیل کی وزارت انصاف نے اپنے بیان میں کہا کہ اداکارہ نے سوشل میڈیا پر حماس کی حمایت کرکے دہشت گردی کی کارروائی کو فروغ دیا ہے۔

اسرائیلی حکام کی جانب سے مائیسہ عبدل ہادی پر “دہشت گرد گروپ کے ساتھ شناخت” کا الزام بھی لگایا گیا تھا۔