بھارتی فلم انڈسٹری بالی ووڈ میں کنگ خان کے نام سے شہرت پانے والے شاہ رخ خان ان دنوں شہرت کی بلندیوں پر ہیں، بھارت میں سب سے زیادہ کمائی کرنے والی ہندی فلموں میں اس وقت کنگ خان کی فلم جوان سرفہرست ہے۔ شاہ رخ خان نے ٹاپ 10 انڈین فلموں میں سلمان خان کو پیچھے چھوڑ دیا ہے۔

سماجی رابطے کی ویب سائٹ ایکس پر سب سے زیادہ کمائی کرنے والی ٹاپ 10 ہندی فلموں کی فہرست جاری کی گئی ہے جس میں شاہ رخ خان کی 2 فلمیں ٹاپ 3 میں شامل ہیں۔

اس وقت فلم جوان سب سے زیادہ کمائی کے ساتھ پہلے نمبر پر ہے جس نے اب تک بھارت میں 525.5 کروڑ روپے کی کمائی کر لی ہے۔ اس کے علاوہ رواں سال جنوری میں جاری ہونے والی انہی کی فلم پٹھان 524.53 کروڑ کما کر تیسرے نمبر پر شامل ہے۔

دوسرے نمبر پر سنی دیول کی فلم غدر2 ہے جس نے اب تک 524.8 کروڑ کمائے ہیں۔

دبنگ اسٹار کے نام سے مشہور سلمان خان کی دو فلمیں ٹائیگر زندہ ہے اور بجرنگی بھائی جان نویں اور دسویں نمبر پر ہیں اور یوں کنگ خان ان سے بہت آگے ہیں۔