دنیا کی کسی بھی زبان میں خبریں پڑھنے کے لیے یہاں کلک کریں۔
عالمی سطح پر خام تیل کی قیمتوں میں کمی کے باعث پاکستان میں بھی یکم نومبر سے پٹرول 20 جب کہ ڈیزل 16 روپے لیٹر سستا ہونے کا امکان ہے۔
میڈیا رپورٹس کے مطابق یکم نومبر سے پاکستان میں بھی پٹرول کی قیمت میں 20روپے اورہائی اسپیڈ ڈیزل کی قیمت میں 16روپے فی لیٹر کمی کا امکان ہے۔
عالمی مارکیٹ میں کروڈ آئل کی قیمت میں فی بیرل 5 ڈالر کمی ہوئی ہے۔یاد رہے 16 اکتوبر کو پٹرول 40 روپے جبکہ ڈیزل 15 روپے فی لیٹر سستا کیا گیا تھا۔
پاکستان میں ڈیڑھ ماہ کے دوران ڈالرانٹر بینک مارکیٹ میں 32 روپے اوراوپن مارکیٹ میں 62 روپے سستا ہوا جبکہ پٹرول کی قیمت 48 روپے کم آئی ۔
9 اگست 2023 کو قومی اسمبلی کی تحلیل کے بعد نگران حکومت کی تشکیل ہوتے ہی ڈالر کی قیمت روزانہ کی بنیاد پر بڑھتی جا رہی تھی اور پٹرولیم مصنوعات کی قیمتوں میں بھی اضافہ کیا گیاتھا۔
نگران حکومت قائم ہونے کے دو دن بعد ہی 16 اگست کو پٹرولیم قیمتوں میں اضافہ کیا کیا گیا، یکم ستمبر کو دوسری مرتبہ اور 16 ستمبر کو تیسری مرتبہ پٹرولیم قیمتیں بڑھائی گئیں ۔اس طرح نگران حکومت کے دور میں پٹرول کی فی لٹر قیمت 331 روپے جبکہ ڈالر کی قیمت اوپن مارکیٹ میں 330 روپے اور انٹر بینک میں 307 روپے10 پیسے تک پہنچ گئی تھی ۔
نگران وزیراعظم انوارالحق کاکڑ نے جب عہدہ سنبھالا تو ڈالر کی قیمت 288.49 روپے تھی اور5 ستمبر کو ڈالر کا انٹر بینک ریٹ اپنی تاریخ کی بلند ترین سطح 307.10 روپے تک پہنچ چکا تھا تاہم 6 ستمبر سے ڈالر کی قیمت میں کمی آنا شروع ہوئی اور 17 اکتوبر تک ڈالر تقریباً 32 روپے کی کمی کے ساتھ انٹر بینک میں 275 روپے80 پیسے کی سطح تک واپس آگیا ہے۔منگل کے روز کاروبار کے آغاز پر ڈالر کی قیمت میں کمی ریکارڈ کی گئی تھی جب ایک ڈالر کی قیمت ایک روپے سے زائد کمی کے بعد 276 روپے کی سطح سے بھی نیچے گر گئی تاہم کاروبار کے اختتام پر ڈالر کی قیمت بیس پیسے اضافے کے بعد 277.03 روپے کی سطح پر بند ہوئی۔
Interbank closing #ExchangeRate for todayhttps://t.co/Xmpc8bGt0G#SBPExchangeRate pic.twitter.com/sdhbPZmUOK
— SBP (@StateBank_Pak) October 17, 2023
ڈالر کی قیمت میں کمی آنے کے بعد نگران حکومت نے پہلی بار یکم اکتوبر2023 کو پٹرول کی قیمت میں 8 روپے اور ڈیزل کی قیمت میں11 روپے کمی کی پھر 16 اکتوبر کو پٹرول 40 روپے جبکہ ڈیزل 15 روپے سستا کیاگیا۔
پٹرول کی نئی قیمت 283 روپے 38 پیسے فی لٹر جبکہ ہائی اسپیڈ ڈیزل کی نئی قیمت 303 روپے 18 پیسے فی لٹرہوگئی ہے۔
ڈالراور پٹرول کی قیمتوں میں کمی کے نتیجے میں اجناس کی قیمتیں بھی کم ہوئی ہیں جبکہ ٹرانسپورٹ کرائے بھی کم کئے جارہے ہیں ۔
کرنسی کے کاروبار سے وابستہ ماہرین کا خیال ہے جب سے ریاستی اداروں نے کرنسی ، تیل اور اجناس کی سمگلنگ کے خلاف کریک ڈاؤن شروع کیا تب سے قیمتوں میں کمی آناشروع ہوئی ہے اورمستقبل میں ڈالرکی قیمت مزید کم ہونے کی بھی پیش گوئیاں کی جارہی ہیں۔
واضح رہے کہ نگران وزیراعظم انوارالحق کاکڑ اور آرمی چیف جنرل سید عاصم منیر کی ہدایات پر ریاستی ادارے سمگلنگ اور ذخیرہ اندوزی کے خلاف ملک گیر سطح پرایک سخت آپریشن کر رہے ہیں ، افغانستان اور ایران کے ساتھ بارڈر پر سمگلنگ روکنے کے لئے انتہائی سخت اقدامات کئے گئے ہیں۔
نگران وزیرداخلہ نے گزشتہ دنوں پریس کانفرنس کے دوران کہا تھا کہ آرمی چیف واضح کرچکے ہیں سمگلنگ میں ملوث اہلکاروں کاکورٹ مارشل ہوگا۔
نگران حکومت نے پیٹرولیم مصنوعات کی قیمتوں میں سب سے بڑی کمی کا اعلان کردیا۔
ملکی تاریخ میں پہلی بار پٹرول کی قیمت 40 روپے فی لٹرتک کم کی گئی ہے جبکہ ڈیزل کی قیمت میں 15 روپے فی لٹر کمی کی گئی ہے۔
پٹرول کی نئی قیمت 283 روپے 38 پیسے فی لٹر جبکہ ہائی اسپیڈ ڈیزل کی نئی قیمت 303 روپے 18 پیسے فی لٹرہوگئی ہے۔مٹی کا تیل 22روپے 69 پیسے سستا کیا گیا ہے، مٹی کےتیل نئی قیمت 214 روپے 85 پیسے ہوگی، لائٹ ڈیزل آئل کی قیمت میں 19 روپے فی لٹر کمی کی گئی ہے۔ خزانہ ڈویژن کی جانب سے پٹرولیم مصنوعات کی نئی قیمتوں کانوٹیفکیشن جاری کردیاگیاہے۔
لاہور (مانیٹرنگ ڈیسک)16اکتوبر سے پیٹرول کی قیمت میں 36 جبکہ ہائی سپیڈ ڈیزل کی قیمت میں 19 روپے فی لٹر کمی متوقع ہے۔
میڈیا رپورٹس کے مطابق پیٹرول کی ایکس ریفائنری قیمت 36 روپے کمی سے 206 روپے فی لٹر ہو گئی۔ ڈیزل کی ایکس ریفائنری قیمت 19 روپے کم ہو کر 233 روپے ہو گئی ہے۔
عالمی منڈی میں پیٹرول کی قیمت 10 ڈالر کمی سے 104 ڈالر فی بیرل پر آگئی جبکہ ڈیزل کی قیمت 8 ڈالر کم ہو کر 118 ڈالر فی بیرل ہوگئی ہے۔
اسلام آباد (این این آئی) عالمی سطح پر پٹرولیم مصنوعات کی قیمتوں میں کمی کے بعد پاکستان میں بھی بڑی کمی کا امکان ہے۔
تفصیلات کے مطابق عالمی سطح پر پٹرولیم مصنوعات کی قیمتوں میں کمی کے بعد مقامی سطح پر پٹرول کی قیمت میں 38 روپے جبکہ ڈیزل کی قیمت میں 18 روپے فی لیٹر کمی متوقع ہے۔
عالمی مارکیٹ میں پٹرول کی قیمت میں 12 ڈالر کی کمی ہوئی ہے جس کے بعد پٹرول کی قیمت 102 ڈالر فی بیرل کی سطح پر آگئی جبکہ ڈیزل کی قیمت میں 9 ڈالر کمی سے 117ڈالر فی بیرل ہوگئی ہے۔
دوسری جانب روپے کی قدر میں مسلسل اضافے سے بھی قیمتیں کم ہونے کا امکان ہے، حکومت حتمی فیصلہ 15 اکتوبر کو کرے گی۔
یاد رہے کہ نگران حکومت نے 30 ستمبر کو پٹرول کی قیمت میں 8 روپے کمی کی تھی جس کے بعد نئی قیمت 323.38 روپے ہے جبکہ ہائی سپیڈ ڈیزل بھی 11 روپے سستا کیا گیا اور نئی قیمت 318.18 روپے مقرر کی گئی تھی۔
اسلام آباد(آئی این پی)عالمی سطح پر پیٹرول مصنوعات کی قیمتوں میں کمی کے بعد پاکستان میں 16اکتوبر سے پیٹرول اور ڈیزل کی قیمتیں کم ہونے کا امکان ہے۔
عالمی سطح پر پٹرولیم مصنوعات کی قیمتوں میں اب 7ڈالر فی بیرل کی کمی ہوئی ہے جس کے بعد ملک میں پٹرولیم مصنوعات مزید سستی ہونے کا امکان ہے۔
جمعرات کے روز گلف مارکیٹ میں خام تیل کی قیمت 92جبکہ عالمی منڈی میں 84ڈالر پر آگئی ہے اور اس ریٹ کے مطابق پاکستان میں پٹرول کی قیمت میں 22روپے کمی بنتی ہے جبکہ ڈیزل کی موجودہ قیمت میں بھی 20روپے سے زائد کی کمی بنتی ہے۔
کراچی(این این آئی)پیٹرولیم مصنوعات کی بلند قیمتوں کے سبب اس کی فروخت پر واضح اثر پڑا ہے۔
آئل کمپنیز ایڈوائزری کونسل(او سی اے سی)کی جانب سے جاری کیے گئے اعداد و شمار کے مطابق اگست کے مقابلے میں ستمبر میں پیٹرولیم مصنوعات کی فروخت 25 فیصد گھٹ گئی ہیں۔
او سی اے سیکے مطابق ستمبر کے دوران صرف 10 لاکھ ٹن پیٹرولیم مصنوعات فروخت ہوئیں۔بجلی پیدا کرنے والے فرنس آئل کی فروخت میں 61 فیصد کمی آئی ہے۔ماہرین کے مطابق کورونا کی وبا کے بعد پیٹرولیم مصنوعات کی یہ کم ترین فروخت ہے۔
اسلامم آباد (این این آئی)شہریوں نے پیٹرول کی قیمت مزید کم کرنے کا مطالبہ کر دیا ہے۔ وفاقی دارالحکومت اسلام آباد کے شہری شجاعت حسین ، محمد وقاص ، زبیرحنان ، محمد رمضان ، احسن خان و دیگر نے گفتگو کرتے ہوئے کہاکہ 26 روپے بڑھا کر 8 روپے کم کرنے کا کوئی فائدہ نہیں،اس سے مہنگائی میں کوئی کمی نہیں آ ئے گی۔
انہوں نے مطالبہ کیا کہ پٹرول کی فی لیٹر قیمت دو سے بھی کم ہونی چاہیے ۔
یاد رہے کہ حکومت کی جانب سے پیٹرول کی فی لیٹر قیمت میں 8 روپے کمی کر دی گئی۔ پیٹرول کی نئی قیمت 323 روپے 38 پیسے فی لیٹر مقرر کی گئی جبکہ ڈیزل کی قیمت بھی 11 روپے لیٹر کم کر دی گئی۔
نئی قیمت 318 روپے 18 پیسے فی لیٹر ہوگئی ہے۔ذرائع کے مطابق پیٹرول پر 60 روپے اور ڈیزل پر 50 روپے فی لیٹر لیوی برقرار رکھی گئی ہے۔
پیٹرولیم مصنوعات کی قیمتوں میں کمی کا امکان ظاہر کیا جا رہا ہے۔
ذرائع کے مطابق یکم اکتوبر سے پٹرول کی قیمت میں 15 روپے فی لیٹر، ہائی اسپیڈ ڈیزل 10 روپے ، لائٹ ڈیزل آئل 12 روپے، مٹی کے تیل کی قمیت میں 8 روپے فی لیٹر کمی کی تجویز دی گئی ہے۔
میڈیا رپورٹس کے مطابق ڈالر کے مقابلے میں روپے کی قدر میں بہتری آئی ہے، تاہم پیٹرولیم لیوی کو بڑھانے کی صورت میں قیمتوں میں زیادہ کمی کا امکان نہیں ہے۔
حکومت اس وقت پٹرول پر 60 روپے، ڈیزل پر فی لیٹر 50 روپے لیوی ٹیکس وصول کر رہی ہے۔
پٹرولیم مصنوعات کی قیمتوں میں کمی کا فیصلہ وزیر اعظم وزارت خزانہ کی مشاورت سے کرینگے۔نئی قیمتوں کا اطلاق یکم اکتوبر سے ہوگا۔
