پی ٹی آئی رہنما اور خیبر پختونخوا کے سابق صوبائی وزیر کامران بنگش کو پشاور سینٹرل جیل سے ڈی آئی خان منتقل کر دیا گیا ہے۔

پولیس کے مطابق سابق وزیر کامران بنگش کو ڈی آئی خان پولیس نے تحویل میں لے لیا ہے۔ کامران بنگش کے خلاف تھانہ کینٹ ڈی آئی خان میں مقدمہ درج ہے۔

پولیس کے مطابق کامران بنگش کی ڈی آئی خان پولیس کو حوالگی عدالت کی اجازت سے ہوئی ہے۔

خیال رہے کامران بنگش پر کارکنوں کو اسلحہ لانے، اُکسانے اور اداروں کے خلاف بیانات کا الزام ہے۔

پاکستان تحریک انصاف کے رہنما اور سابق صوبائی وزیر  کامران بنگش کو پشاور سے گرفتار کرلیا گیا ۔

 میڈیا رپورٹس کے مطابق کامران بنگش کو چمکنی پولیس نے پشاور سے  اس وقت گرفتار کیا جب وہ ایک شادی کی تقریب میں شرکت کے لئے جارہے تھے ۔کامران بنگش  تحریک انصاف کے دور حکومت میں اطلاعات اور انفارمیشن ٹیکنالوجی کے وزیر رہے۔ ان کا شمارعمران خان کے قابل اعتماد وزرا میں ہوتا ہے۔ کامران بنگش کافی عرصہ سے روپوش تھے کیونکہ پشاور میں ہونے والے احتجاجی مظاہروں کے دوران ان کانام بھی سامنے آیا تھاپولیس کے مطابق انہیں نو مئی کی ہنگامہ آرائی اور جلاؤ گھیراؤ کے جرم میں گرفتار کیا گیا ہے، ان کے خلاف تھانہ کابلی میں نومئی کے واقعات میں ملوث ہونے کا مقدمہ درج تھا۔۔