سابق صدر مملکت اورپاکستان پیپلزپارٹی پارلیمنٹرینز کے صدر آصف علی زرداری نے کہاہے کہ پاکستان پیپلزپارٹی آئندہ عام انتخابات میں انشا اللہ ملک بھر سے کامیابیاں حاصل کرے گی ۔
کارکنان پارٹی کی اصل طاقت ہیں، قیادت اپنے کارکن کے ساتھ کھڑی ہے۔ان خیالات کا اظہار انہوں نے زرداری ہائوس نواب شاہ میں کارکنان سے ملاقات کے دوران کیا۔
اس موقع پر آصف علی زرداری نے سیاست اور انتخابات سے متعلق کارکنان کی تجاویز اور آرا کو بھی سنا۔
انہوں نے کارکنان کو ہدایت کی کہ پارٹی کا پیغام گھر گھر پہنچائیں،پیپلزپارٹی آئندہ عام انتخابات میں انشا اللہ ملک بھر سے کامیابیاں حاصل کرے گی۔
