دنیا کی کسی بھی زبان میں خبریں پڑھنے کے لیے یہاں کلک کریں۔
پی ایس او نے پی آئی اےکو ایندھن کی فراہمی میں کمی کر دی جس سے قومی ائیرلائن کی متعدد پروازیں منسوخ ہوگئی ہیں۔
میڈیا رپورٹس کے مطابق قومی ائیر لائن کا فلائٹ آپریشن شدید متاثر ہے جس کے باعث مسافروں کو پریشانی کا سامنا ہے۔
ملک بھر کے ائیرپورٹس سے پی آئی اے کی 25 سے زائد پروازیں منسوخ کر دی گئی ہیں
ذرائع کے مطابق لاہور، اسلام آباد، کوئٹہ، سیالکوٹ، ملتان اور پشاور ائیر پورٹس سے پی آئی اے کی پروازیں منسوخ کی گئی ہیں۔
کراچی (این این آئی)پاکستان اسٹیٹ آئل (پی ایس او)نے واجبات کی عدم ادائیگی پر پاکستان انٹرنیشنل ائیرلائنز (پی آئی اے)کو فیول کی فراہمی بند کردی جس کے باعث پروازیں متاثر ہوگئیں۔پی ایس او اورپی آئی آئی میں واجبات کا تنازعہ شدت اختیار کر گیا۔
پی ایس او نے واجبات کی عدم ادائیگی پر ملتان، سکھر اور گلگت ائیرپورٹ پر پی آئی اے کو فیول کی فراہمی بند کردی۔پی آئی اے ترجمان نے پروازیں منسوخ کرنے کی تصدیق کرتے ہوئے کہا کہ پی آئی اے نے پیر کو آپریٹ ہونے والی 14 پروازیں منسوخ کردیں ہیں۔
ترجمان کے مطابق ملتان سے کراچی، اسلام آباد اور گلگت سے اسلام آباد کی دو طرفہ پروازیں منسوخ کی گئیں ۔
ذرائع کے مطابق پی آئی اے کو پی ایس او کو شیڈول کے مطابق 65 کروڑ روپے ادا کرنے ہیں، انتظامیہ نے مالی بحران سے نکلنے کیلئے حکومت سے مدد مانگی ہے۔
پی آئی اے ذرائع کے مطابق فوری طور پر 7 ارب روپے کی ضرورت ہے وزارت ہوابازی کو متعدد خطوط لکھے ہیں مگر کوئی ریلیف نہیں مل سکا۔دوسری جانب پی آئی اے کی پروازیں نہ چلنے سے نجی ائیرلائنز نے اندرون ملک کرایوں میں اضافہ کر دیا ہے۔
