دنیا کی کسی بھی زبان میں خبریں پڑھنے کے لیے یہاں کلک کریں۔
نئی دہلی(این این آئی)آئی سی سی کرکٹ ورلڈ کپ میں پاکستانی صحافیوں کو ویزا میں تاخیر پر بھارتی صحافی بھی بول پڑے۔
سینئر بھارتی صحافی راج دیپ سرڈیسائی نے پاکستانی صحافیوں کو ویزا نہ ملنے پر مایوسی کا اظہار کیا ہے۔
راج دیپ سرڈیسائی نے کہا کہ پاکستان بھارت میں ورلڈ کپ کھیل رہا ہے تو اس کے صحافیوں کو ویزا دینے سے انکار نہیں کیا جاسکتا۔
سینئر بھارتی صحافی نے کہا کہ صحافی کیوں سیاسی دنگل کا شکار ہوں، ہمیں اچھے میزبانوں والا رویہ اپنانا چاہیے۔
ورلڈ کپ کے تیسرے میچ میں افغانستان نے بنگلہ دیش کو جیت کیلئے 157 رنز کا ہدف دیدیا۔
دھرم شالہ میں ہونے والے میچ میں بنگلہ دیش نے ٹاس جیت کر پہلے بائولنگ کرنے کا فیصلہ کیا۔
افغانستان کی پوری ٹیم 37 اعشاریہ 2 اوورز میں 156 رنز بنا کر آئوٹ ہو گئی ۔
بنگلہ دیش کی جانب سے شکیب الحسن اور مہدی حسن مرزا نے تین تین وکٹیں لیں ۔
افغانستان کی جانب سے رحمت اللہ گرباز47 رنز بنا کر ٹاپ سکورر رہے۔
ورلڈکپ کے 13 ویں ایڈیشن میں آج پاکستان اور نیدرلینڈز کی ٹیمیں مدِ مقابل آئیں گی۔
’’کرک ٹریکر‘‘ کے مطابق قومی ٹیم کی ممکنہ بابر الیون میں شاداب خان، فخر زمان، امام الحق، محمد رضوان، سعود شکیل، افتخار احمد اور محمد نواز شامل ہوسکتے ہیں۔
پاکستانی ٹیم کے گیند بازوں میں شاہین شاہ آفریدی، حارث رؤف، حسن علی پلیئنگ الیون کا حصہ ہونگے۔
دوسری جانب نیدرلینڈز کی ممکنہ پلیئنگ الیون میں کپتان سکاٹ ایڈورڈز، میکس او داؤد، وکرامجیت سنگھ، ویسلے باریسی، بیس ڈے لیڈے، ٹیجا ندانامارو، شارز احمد، لوگان وین بیک، طین ڈیر میروی، پال وین مییکیرین اور آریان دت شامل ہوسکتے ہیں۔
نئی دہلی (این این آئی)بھارتی میڈیا نے دعویٰ کیا ہے کہ نریندر مودی کرکٹ اسٹیڈیم احمدآباد میں ورلڈکپ 2023 کے حوالے سے 4 اکتوبر کے روز ہونے والی افتتاحی تقریب اچانک منسوخ کردی گئی۔
تفصیلات کے مطابق بھارت میں کرکٹ کے ایک روزہ فارمیٹ ورلڈکپ کا آغاز 5 اکتوبر سے ہوگا جس میں پہلا میچ نیوزی لینڈ اور انگلینڈ کے درمیان کھیلا جائے گا۔ٹورنامنٹ کیلئے بھارتی کرکٹ بورڈ کی جانب سے 4 اکتوبر کے روز نریندر مودی کرکٹ اسٹیڈیم احمدآباد میں رنگا رنگ افتتاحی تقریب شیڈول کی گئی ہے۔
تقریب میں آتش بازی کے ساتھ بالی وڈ کے معروف اداکار و گلوکار جن میں رنویر سنگھ،ارجیت سنگھ، تمنا بھاٹیا، شریا گوشل اور آشا گوشل نے پرفارم کرنا ہے تاہم اب بھارتی میڈیا نے دعویٰ کیا ہیکہ تقریب سے قبل اچانک اس کی منسوخی کی خبریں سامنے آرہی ہیں۔
بھارتی میڈیا کے دعویٰ کے مطابق ورلڈکپ کی افتتاحی تقریب کچھ تکنیکی خرابی کے باعث منسوخ کی گئی ہے۔
دوسری جانب بھارتی میڈیا یہ بھی کہہ رہا ہے کہ بی سی سی آئی اس حوالے سے اختتامی سیشن یا پھر 14 اکتوبر کو احمد آباد میں ہونے والے پاک بھارت میچ سے قبل فنکشن کروانے پر غور کررہا ہے تاہم افتتاحی تقریب کی منسوخی یا پھر تاریخ میں تبدیلی کے حوالے سے باضابطہ طور پر کوئی اعلان سامنے نہ آسکا ۔
واضح رہے کہ افتتاحی تقریب 4 اکتوبر کے روز کپتانوں کے دن شام 7 بجے شیڈول کی گئی تھی تاہم اب کہا جارہا ہے کہ کل کپتانوں کے دن پر ٹورنامنٹ میں شامل تمام ٹیمز کے کپتان فوٹوشوٹ کروائیں گے۔
پاکستانی فاسٹ بولر شاہین آفریدی اور اسپنر شاداب خان کی جانب سے ورلڈ کپ کے وارم اپ میچ میں بولنگ نہ کرانے کی وجہ سامنے آگئی ہے۔
میڈیا رپورٹس کے مطابق پاکستان ٹیم کے ذرائع کا اس حوالے سے کہنا ہے کہ ٹیم منیجمنٹ نے حکمت عملی کے طور پر دونوں کھلاڑیوں سے بولنگ نہیں کروائی۔
ٹیم ذرائع کے مطابق منیجمنٹ دیگر بولرز کو زیادہ میچ پریکٹس دینے کی خواہشمند تھی، 2 وارم اپ میچز میں اسکواڈ کے تمام 15 ممبران کو مختلف طور پر آزمایا جائے گا۔
پاکستان ٹیم کے ذرائع کا کہنا ہے کہ ورلڈ کپ کے باقاعدہ میچز سے قبل 2 وارم آپ میچز میں کنڈیشنز سے ایڈجسٹ ہونے کا پلان ہے۔
یاد رہے کہ پاکستان ورلڈ کپ میں اپنے سفر کا آغاز6 اکتوبر سے نیدر لینڈز کیخلاف میچ سے کریگا۔
