ڈالرکی سمگلنگ رک گئی،اوورسیز پاکستانیوں کاپیسہ افغانستان جارہاتھا

اسلام آباد(این این آئی)نگران وزیر تجارت گوہر اعجاز نے کہاہے کہ حکومتی اقدامات سے اب ڈالر کی غیرقانونی منتقلی رک گئی ہے۔
نیور کانفرنس کرتے ہوئے نگران وزیر تجارت گوہراعجاز نے کہاکہ اوورسیز پاکستانیوں کا پیسا افغان ٹرانزٹ ٹریڈ کیلئے استعمال ہوتا رہا، اوورسیز پاکستانیوں کا بھیجا گیا پیسا غیرقانونی طریقے سے باہر منتقل ہو رہا تھا،آنے والے دنوں میں پاکستان کی معیشت میں مزید استحکام آئیگا۔انہوں نے کہاکہ خلیجی ممالک سے آزاد تجارت اور سرمایہ کاری کا معاہدہ کیا ہے،معاہدے کے تحت خلیجی ممالک سے پاکستان میں سرمایہ کاری آئے گی۔
نگران وزیر تجارت نے کہا کہ آرمی چیف اورنگران وزیراعظم کا معیشت کی بہتری میں اہم کردارہے، اگست میں2ارب ڈالر کی ایکسپورٹ اور 2ارب ڈالر کی ترسیلات زر تھیں، اگست میں درآمدات 4ارب ڈالرکی تھیں۔گوہراعجازنے بتایاکہ اس سال کپاس کی بمپر پیداوار کی امید ہے، چاول کی برآمدات بھی بڑھیں گی۔