آئی سی سی ون ڈے ورلڈکپ کے نویں میچ میں افغانستان نے بھارت کو جیت کیلئے 273 رنز کا ہدف دے دیا۔
بھارت اور افغانستان کی کرکٹ ٹیموں کے مابین میچ نئی دہلی کے ارون جیٹلی اسٹیڈیم میں کھیلا جارہا ہے ۔ افغانستان نے ٹاس جیت پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 272 رنز بنائے، افغانستان کی جانب سے حشمت اللہ شاہدی 80 رنز بناکر نمایاں رہے۔
بھارت کی جانب سے جسپریت بمراہ نے اوپنر ابراہیم زدران کو 22 رنز پر آؤٹ کیا، رحمان اللہ گرباز کو ہاردک پانڈیا نے 21 جب کہ رحمت شاہ کو شاردل ٹھاکر نے 16 رنز پر پویلین لوٹایا۔عظمت اللہ عمر زئی 62 رنز بناکر آؤٹ ہوگئے۔
افغانستان نے بھارت کو جیت کے لئے 273 رنز کاہدف دے دیا
